100% உயிரை கொல்லும் புதிய கொரோனா வகையை உருவாக்கி வரும் சீனா
செய்தி முன்னோட்டம்
பாதிக்கப்பட்டவர்களின் உயிரை கொல்லும் புதிய கொரோனா வகையை சீனா உருவாக்கி வருவதாக ஒரு அதிர்ச்சி தகவல் வெளியாகியுள்ளது.
சீன மக்கள் விடுதலை இராணுவத்தால்(பிஎல்ஏ) பயிற்சி பெற்ற மருத்துவர்கள், 100 சதவீதம் உயிரை கொல்லும் "பாங்கோலின் கொரோனா வைரஸை" உருவாக்கியுள்ளனர்.
BioRxiv இல் வெளியிடப்பட்டுள்ள அறிக்கையின்படி, SARS-CoV-2 வைரஸின் வகையான பாங்கோலின் கொரோனா வைரஸ் GX_P2V, எலிகளின் உயிரை எடுக்கிறதா என்பதை சீன மருத்துவர்கள் சோதித்துள்ளனர்.
அந்த சோதனையில், அதிர்ச்சிகரமான சில முடிவுகள் வெளியாகியுள்ளன.
அந்த சோதனையின் படி, GX_P2V பாதிக்கப்பட்ட அனைத்து எலிகளும் உயிரிழந்துவிட்டன. எனவே, இந்த வைரஸால் மனிதர்களுக்கு ஏற்படக்கூடும் பாதிப்புகளும் சுட்டிக்காட்டப்பட்டுள்ளது.
துவ்கிப்லக்
எலிகள் மீது நடத்தப்பட்ட சோதனை
GX_P2V எனப்படும் இந்த பாங்கோலின் கொரோனா வைரஸ் சீனாவின் ஆய்வகங்களில் உருவாக்கப்பட்டதாகும். அந்த ஆய்வகத்தில் தயாரிக்கப்பட்ட பதிப்பு தான் எலிகள் மீது சோதிக்க பயன்படுத்தப்பட்டது
பாங்கோலின் என்பது ஒரு விலங்காகும். அந்த விலங்கில் காணப்படும் கொரோனா வைரஸை தான் சீன மருத்துவர்கள் ஆய்வகத்தில் உருவாக்கியுள்ளனர்.
எலிகள், GX_P2V நோயால் பாதிக்கப்பட்டபோது, பாதிக்கப்பட்ட ஐந்து நாட்களுக்குள் அவைகளின் எடை வேகமாக குறைந்திருக்கிறது. அதன் பிறகு, மந்தமாக நடமாடிய எலிகளின் கண்கள் வெண்ணிறமாக மாறி இருந்ததை மருத்துவர்கள் பதிவு செய்துள்ளனர்.
அந்த வைரஸால் பாதிக்கப்பட்ட நான்கு எலிகளும் நோய்த்தொற்று ஏற்பட்ட எட்டு நாட்களுக்குள் இறந்துவிட்டன என்பது குறிப்பிடத்தக்கது.
மேலும், பாதிக்கப்பட்ட எலிகளின் மூளை, கண்கள் மற்றும் நுரையீரலுக்கும் வைரஸ் பரவியது கண்டறியப்பட்டுள்ளது.