மேட்டூர் அணையின் நீர்வரத்து வினாடிக்கு 7,563 கன அடியாக உயர்வு
செய்தி முன்னோட்டம்
டெல்டா மாவட்ட பாசனத்திற்காக மேட்டூர் அணையில் இருந்து நீர் திறந்துவிடப்பட்ட நிலையில், எதிர்பார்த்த அளவுக்கு மழை சரியாக பெய்யாத காரணத்தினால் அணையின் நீர் இருப்பு குறைந்தது.
இதனால் பாசனத்திற்கான நீர் திறப்பு நிறுத்தப்பட்டது.
குடிநீர் தேவைக்காக மட்டும் 500 கன அடி நீர் திறந்துவிடப்பட்டது.
இதனிடையே கடந்த சில நாட்களாக தமிழகத்தில் பருவமழை பெய்ய துவங்கியதால் அணையின் நீர்மட்டம் உயர துவங்கியதாக தகவல்கள் வெளியானது.
கடந்த 3ம் தேதி நிலவரப்படி, அணையின் நீர்மட்டம் 52.73 அடியில் இருந்து 52.95 கன அடியாக உயர்ந்துள்ளது என்று செய்திகள் வெளியானது.
இதனை தொடர்ந்து டெல்டா மாவட்டங்களில் பாசனத்திற்காக அணையில் இருந்து நீர் திறக்கப்படுமா? என்று விவசாயிகள் எதிர்பார்த்த வண்ணம் காத்திருப்பதாகவும் தகவல்கள் வெளியானது.
உயர்வு
அணையின் தற்போதைய நீர் இருப்பு 20.79 டி.எம்.சி.
இந்நிலையில், தற்போது வந்துள்ள தகவல்படி மேட்டூர் நீர்ப்பிடிப்பு பகுதிகளில் பெய்து வரும் கனமழை காரணமாக அணைக்கு வரும் நீர்வரத்து அதிகரித்து காணப்படுகிறதாம்.
ஆனால் அணைக்கு வரும் நீர்வரத்தினை விட குறைந்த அளவில் தான் அணையில் இருந்து தண்ணீர் திறந்து விடப்படுகிறது என்பது குறிப்பிடவேண்டியவை.
இதனால் மேட்டூர் அணையின் நீர்மட்டம் தொடர்ந்து உயர்ந்து வருகிறது.
அதனால் அணையின்நீர்வரத்து இன்றைய(நவ.,8) நிலவரப்படி, 6,498 கன அடியில் இருந்து வினாடிக்கு 7,563 கன அடியாக உயர்ந்துள்ளது.
அணையில் தற்போதைய நீர் இருப்பு 20.79 டி.எம்.சி.யாக உள்ளது.
அணையின் நீர்மட்டம் தற்போது 54.55 அடியில் இருந்து 54.85 அடிக்கு உயர்ந்துள்ள நிலையில், குடிநீருக்காக திறந்துவிடப்படும் தண்ணீரின் அளவு 500 கன அடியில் இருந்து 250 கன அடியாக குறைந்துள்ளது.