இன்னும் 3 நாளில் தேமுதிக பொதுக்குழு கூட்டம்: விஜயகாந்த் பங்கேற்கவுள்ளதாக அறிவிப்பு
செய்தி முன்னோட்டம்
நடிகரும், தேமுதிகவின் பொது செயலாளருமான விஜயகாந்த்தின் உடல்நிலை கடந்த சில ஆண்டுகளாகவே சீராக இல்லை.
எனினும், கட்சி சார்ந்த பல முக்கிய நிகழ்வுகளில் அவர் கலந்துகொள்ளாமல் இருந்ததில்லை.
அந்த நிலையில் சில தினங்களுக்கு முன்னர், அவருக்கு உடல் நிலை மிகவும் பாதிக்கப்பட்டு, MIOT மருத்துவமனையில் அனுமதிக்கப்பட்டார். மருத்துவ அறிக்கைப்படி, அவருக்கு மூச்சு விடுவதில் சிரமம் இருந்ததால், செயற்கை சுவாசம் வைக்கப்பட்டது என்றும் ஒரு சில நாட்கள் தீவிர மருத்துவ கண்காணிப்பில் இருக்க வேண்டும் எனவும் கூறப்பட்டது.
இதனை கேட்டு, அவரின் ரசிகர்களும், தொண்டர்களும் மிகவும் மிகவும் வேதனை அடைந்தனர்.
எனினும் அவர் மனைவி பிரேமலதா விஜயகாந்த், கேப்டன் நலமுடன் இருக்கிறார் என கூறினார்.
card 2
உடல்நலம் தேறி வீடு திரும்பிய கேப்டன் விஜயகாந்த்
தொண்டர்களின் சந்தேகங்களை போக்க, பிரேமலதா விஜயகாந்த், கேப்டன் உடன் இருப்பது போன்ற புகைப்படத்தையும் வெளியிட்டார்.
அதோடு, அவர் விரைவில் வீடு திரும்புவார் எனவும் கூறி வந்தார்.
அதன் தொடர்ச்சியாக, இன்று காலை, விஜயகாந்த் உடல்நலம் பெற்றுவிட்டதாகவும், அதனால் அவர் டிஸ்சார்ஜ் செய்யப்பட்டார் எனவும், MIOT மருத்துவமனை தரப்பில் அறிக்கை வெளியானது.
அதனை தொடர்ந்து, இன்னும் மூன்று நாட்களில், அதாவது, வரும் டிசம்பர் 14ஆம் தேதி, தேமுதிகவின் செயற்குழு மற்றும் பொதுக்குழு கூட்டம் நடைபெறும் என்றும், அந்த கூட்டத்தில் கேப்டன் விஜயகாந்த் கலந்து கொண்டு, வழிநடத்துவார் என தேமுதிக அறிக்கை வெளியிட்டுள்ளது.
ட்விட்டர் அஞ்சல்
பொதுக்குழு கூட்டத்தில் பங்கேற்கவுள்ள விஜயகாந்த்
தேசிய முற்போக்கு திராவிட கழகத்தின் தலைமை செயற்குழு மற்றும் பொதுக்குழு கூட்டம், 14/12/2023 அன்று திருவேற்காடு - GPN பேலஸ் திருமண மண்டபத்தில் எனது தலைமையில் நடைபெறுகிறது. #தேமுதிக pic.twitter.com/9QFRXNff3o
— Vijayakant (@iVijayakant) December 11, 2023