ஜாமீன் தடையை எதிர்த்து அரவிந்த் கெஜ்ரிவால் தாக்கல் செய்த மனு மீதான விசாரணையை உச்சநீதிமன்றம் ஒத்திவைத்தது
செய்தி முன்னோட்டம்
தனது ஜாமீனுக்கு தடை விதித்த டெல்லி உயர்நீதிமன்றத்தின் உத்தரவை எதிர்த்து அரவிந்த் கெஜ்ரிவால் தாக்கல் செய்த மனு மீதான விசாரணையை உச்ச நீதிமன்றம் ஒத்திவைத்துள்ளது.
இந்த வழக்கு விசாரணை ஜூன் 26ஆம் தேதி நடைபெறும் என்று உச்ச நீதிமன்றம் கூறியுள்ளது.
அரவிந்த் கெஜ்ரிவாலுக்கு ஜாமீன் வழங்கியதை எதிர்த்து அமலாக்க இயக்குனரகம் தாக்கல் செய்த மேல்முறையீட்டு மனு மீதான டெல்லி உயர் நீதிமன்றத்தின் உத்தரவு இன்னும் வெளியாகாததால் உச்ச நீதிமன்றம் இந்த விசாரணை ஒத்திவைத்தது.
டெல்லி மதுபான கொள்கை வழக்கில் கைது செய்யப்பட்டு சிறையில் அடைக்கப்பட்ட டெல்லி முதல்வர் அரவிந்த் கெஜ்ரிவாலுக்கு சமீபத்தில் விசாரணை நீதிமன்றம் ஜாமீன் வழங்கியது.
டெல்லி
'உயர்நீதிமன்றம் உத்தரவுக்காக காத்திருப்போம்': உச்ச நீதிமன்றம்
இந்நிலையில், அரவிந்த் கெஜ்ரிவாலுக்கு ஜாமீன் வழங்கிய விசாரணை நீதிமன்றத்தின் உத்தரவை எதிர்த்து அமலாக்க இயக்குனரகம் தாக்கல் டெல்லி உயர் நீதிமன்றத்தில் மேல்முறையீடு செய்தது.
அமலாக்க இயக்குனரகத்தின் மேல்முறையீட்டு மனுவை விசாரித்த டெல்லி உயர் நீதிமன்றம், கெஜ்ரிவாலின் ஜாமீனுக்கு தடை விதித்தது.
விசாரணை நீதிமன்றத்தின் உத்தரவை அமல்படுத்தவும் டெல்லி உயர்நீதிமன்றம் தடை விதித்துள்ளது.
இதனையடுத்து, மதுபானக் கொள்கை வழக்கில் தனக்கு விதிக்கப்பட்ட ஜாமீன் உத்தரவுக்கு டெல்லி உயர் நீதிமன்றம் தடை விதித்ததை எதிர்த்து டெல்லி முதல்வர் அரவிந்த் கெஜ்ரிவால் நேற்று உச்ச நீதிமன்றத்தில் மனு தாக்கல் செய்தார்.
இந்நிலையில், இதற்கு பதிலளித்த உச்ச நீதிமன்றம், "அது ஒரு துணை நீதிமன்றம் அல்ல, அது ஒரு உயர்நீதிமன்றம். எனவே அதன் உத்தரவுக்காக காத்திருப்போம்" என்று கூறியுள்ளது.