உச்சக்கட்ட போக்குவரத்து நெரிசல்; வருடத்திற்கு ரூ. 20,000 கோடி வருவாயை இழக்கும் பெங்களூரு
செய்தி முன்னோட்டம்
இந்தியாவின் சிலிக்கான் பள்ளத்தாக்கு என பெயர்பெற்ற பெங்களூரு நகரம், அதன் போக்குவரத்து நெரிசலுக்கும் மிகவும் பிரபலம்.
சமீபத்தில் வெளியான ஆய்வறிக்கை ஒன்றில் அதிக கூட்ட நெரிசல் மிகுந்த நகரத்தில் முதலிடம் பெற்றிருந்தது பெங்களூரு.
இதற்காக பல மேம்பாட்டு திட்டங்கள் அறிமுகப்படுத்தப்பட்ட போதும், நெரிசல் குறைந்தபாடில்லை. தற்போது வெளியாகியுள்ள மற்றொரு ஆய்வில், பெங்களூரு நகரை சுற்றி 60 மேம்பாலங்கள் செயல்பாட்டில் இருந்தபோதிலும், போக்குவரத்து நெரிசலால், பெங்களூருக்கு வருடந்தோறும் ரூ.19,725கோடி இழப்பு ஏற்பட்டுள்ளதாக தெரியவந்துள்ளது.
போக்குவரத்து தாமதம், நெரிசல், சிக்னல்கள் நிறுத்தம், நேர இழப்பு, எரிபொருள் இழப்பு போன்றவை முக்கிய காரணிகளாகவும் கண்டறியப்பட்டுள்ளன.
தகவல் தொழில்நுட்பத்துறையில் அதிகரித்துள்ள வேலைவாய்ப்பு, அதன் தொடர்ச்சியாக வீட்டுவசதி, கல்வி போன்ற அனைத்து தொடர்புடைய வசதிகளும் அதிகரித்துள்ளது எனவும் ஆய்வில் தெரியவருகிறது.
card 2
நகரத்தை 1,100 சதுர கிலோமீட்டராக விரிவுபடுத்த வேண்டும்
இதனால் பெங்களூரு நகரின் மக்கள்தொகை வளர்ச்சி 14.5 மில்லியனாக அசுர வளர்ச்சி அடைந்துள்ளது என்றும், அதற்கு ஈடாக வாகனங்களின் எண்ணிக்கை 1.5 கோடிக்கு அருகில் உள்ளது என தெரியவந்துள்ளது
மதிப்பீடுகளின்படி, 2023 இல் பெங்களூரு 88 சதுர கிலோமீட்டரிலிருந்து, 985 சதுர கிலோமீட்டராக விரிவடைந்துள்ளது.
மேலும், இந்த நகரத்தை 1,100 சதுர கிலோமீட்டராக விரிவுபடுத்த வேண்டும் என்று ஆய்வு முன்மொழிந்துள்ளது.
"மறுபுறம், சாலையின் நீள வளர்ச்சி, நகரில் இருக்கும் வாகன வளர்ச்சி மற்றும் பரப்பளவு வளர்ச்சியின் விகிதத்திற்கு ஈடாக இல்லை. சாலையின் மொத்த நீளம் சுமார் 11,000 கிலோமீட்டர் ஆகும். இது நகரின் போக்குவரத்து தேவை மற்றும் பயணங்களை பூர்த்தி செய்ய போதுமானதாக இல்லை" என்று அறிக்கை கூறுகிறது.