அக்டோபர் 1 முதல் இந்தியாவை விட்டு வெளியேறுவதற்கு வரி அனுமதி சான்றிதழ் கட்டாயம்
இந்தியாவிலிருந்து வெளிநாடுகளுக்கு பயணிக்க தேவையான அனுமதிச் சான்றிதழ்களைப் பெறுவதற்கான விதிகளை இந்த ஆண்டின் பட்ஜெட் கடுமையாக்கியுள்ளது. அதன்படி, வரும் அக்டோபர் 1 முதல், இந்தியாவில் வசிக்கும் எவரும் கருப்புப் பணச் சட்டத்தின் கீழ், அவர்கள் குற்றமற்றவர்கள் என்பதை உறுதிப்படுத்தும் அனுமதிச் சான்றிதழ் தேவைப்படும். வருமான வரி (IT) சட்டத்தின் பிரிவு 230 இன் படி, இந்தியாவில் வசிக்கும் எவரும் நாட்டை விட்டு வெளியேறும் முன் வரி அதிகாரிகளிடமிருந்து இந்த சான்றிதழைப் பெற வேண்டும். அந்த நபருக்கு செலுத்தப்படாத வரிகள் இல்லை அல்லது நிலுவையில் உள்ள தொகையைச் செலுத்த ஏற்பாடு செய்திருப்பதை இந்தச் சான்றிதழ் உறுதிப்படுத்துகிறது.
எந்த வரி சட்டங்களுக்கு பொருந்தும்?
இந்தத் சான்றிதழானது, வருமான வரி சட்டத்தின் கீழ் உள்ள வரிகள் மற்றும் முந்தைய செல்வ வரி, பரிசு வரி மற்றும் செலவின வரிச் சட்டங்கள் ஆகியவற்றை உள்ளடக்கியது. இது சார்ந்து அரசாங்க அறிவிப்போ அல்லது தெளிவான விதிகளோ வெளியானால், இது குறித்து மேலும் தகவல்கள் கிடைக்கும் என்று வரி வல்லுநர்கள் நம்புகிறார்கள் என்று டைம்ஸ் ஆஃப் இந்தியா தெரிவித்துள்ளது. கறுப்புப் பணச் சட்டத்தின் 42 மற்றும் 43 பிரிவுகளின் கீழ், வெளிநாட்டுச் சொத்துகளின் (ரியல் எஸ்டேட் தவிர) மொத்த மதிப்பு ₹ 20 லட்சத்துக்கும் குறைவாக இருந்தால், அதைப் புகாரளிக்காததற்காக ₹ 10 லட்சம் அபராதத்தை நீக்கவும் 2024 பட்ஜெட் முன்மொழிந்தது. இந்த மாற்றம் அக்டோபர் 1, 2024 முதல் அமலுக்கு வரும்.