ஆளுநர் ஆர்.என்.ரவிக்கு பிறந்தநாள் வாழ்த்து தெரிவித்த முதல்வர் ஸ்டாலின்
தமிழக ஆளுநர் ஆர். என். ரவிக்கு முதல்வர் மு.க.ஸ்டாலின் இன்று(ஏப் 3) பிறந்தநாள் வாழ்த்து தெரிவித்தார். ஆளுநர் ரவி கடந்த செப்டம்பர் மாதம் தமிழகத்தின் ஆளுநராக பதவியேற்றார். அதன் பிறகு நடந்த பல்வேறு நிகழ்வுகளில் ஆளுநருக்கும் முதல்வர் ஸ்டாலினுக்கும் சச்சரவு ஏற்பட்டிருக்கிறது. இந்நிலையில், ஆளுநர் ஆர். என். ரவி இன்று தனது 71வது பிறந்தநாளை கொண்டாடுகிறார். இதையொட்டி, தனது சமூக வலைத்தளங்களில் பதிவிட்ட முதல்வர் மு.க. ஸ்டாலின், ஆளுநர் ரவிக்கு பிறந்தநாள் வாழ்த்துக்களை தெரிவித்திருக்கிறார். முதல்வரின் ட்விட்டர் பதிவில், "மாண்புமிகு தமிழக ஆளுநர் திரு. ஆர்.என். ரவி அவர்களுக்கு பிறந்தநாள் வாழ்த்துக்கள். அவர் நீண்ட நாள், நல்ல ஆரோக்கியத்துடன் வாழ வேண்டும் என்று வாழ்த்துகிறேன்" என்று தெரிவிக்கப்பட்டுள்ளது.
