EPF வட்டி விகிதத்தை உயர்த்தியது EPFO
செய்தி முன்னோட்டம்
ஊழியர்களின் வருங்கால வைப்பு நிதி அமைப்பு (EPFO) 2023-24 ஆம் ஆண்டிற்கான வருங்கால வைப்பு நிதியின்(EPF) வட்டி விகிதத்தை 8.25% ஆக உயர்த்தியுள்ளது.
மத்திய தொழிலாளர் மற்றும் வேலைவாய்ப்பு அமைச்சர் பூபேந்தர் யாதவ் தலைமையிலான EPFO இன் மத்திய அறங்காவலர் குழு, அந்த அமைப்பின் 235வது குழு கூட்டத்தில் முன்மொழியப்பட்ட வட்டி விகிதத்திற்கு ஒப்புதல் அளித்தது.
"இந்திய தொழிலாளர்களின் சமூகப் பாதுகாப்பை வலுப்படுத்துவதற்கு இந்த நடவடிக்கை எடுக்கப்பட்டுள்ளது " என்று அமைச்சர் பூபேந்தர் யாதவ் தெரிவித்துள்ளார்.
இந்தியா
நிதி அமைச்சகம் அங்கீகரித்த பின்பு EPF வட்டி விகிதம் வழங்கப்படும்
2023-24ஆம் ஆண்டின் EPF டெபாசிட்டுகளுக்கான வட்டி விகிதம் இனி ஒப்புதலுக்காக நிதி அமைச்சகத்திற்கு அனுப்பப்படும்.
அரசாங்கத்தின் ஒப்புதலைத் தொடர்ந்து, 2023-24க்கான EPF வட்டி விகிதம் கிட்டத்தட்ட ஆறு கோடி EPFO சந்தாதாரர்களின் கணக்குகளில் வரவு வைக்கப்படும்.
நிதி அமைச்சகம் அங்கீகரித்த பின்பு தான் EPFO வட்டி விகிதம் வழங்கப்படும்.
EPF என்பது சம்பளம் பெறும் ஊழியர்களுக்கான கட்டாய வைப்பு நிதி கணக்காகும்.
வேலை வழங்கும் முதலாளிகள் கண்டிப்பாக சம்பளத்துடன் சேர்த்து ஒரு ஊழியருக்கு EPF தொகையையும் வழங்க வேண்டும்.
ஒரு ஊழியரின் வருவாயில் 12% அவரது EPF கணக்கில் செலுத்தப்படும். அப்படி ஒவ்வொரு மாதமும் சேரும் தொகை EPF கணக்கில் வைப்பு வைக்ப்படும்.