மணிப்பூரில் உள்ள 11 வாக்குச் சாவடிகளில் நாளை மறுவாக்குப்பதிவு
மணிப்பூர் மக்களவைத் தொகுதியில் உள்ள 11 வாக்குச் சாவடிகளில் ஏப்ரல் 22ஆம் தேதி மறுவாக்குப்பதிவு நடைபெறும் என மணிப்பூர் தலைமைத் தேர்தல் அதிகாரி ந்தெரு அறிவித்தார். ஏப்ரல் 19-ம் தேதி இந்த வாக்குச் சாவடிகளில் பதிவு செய்யப்பட்ட வாக்குகள் செல்லாது என்று அறிவித்த தேர்தல் ஆணையம், புதிய வாக்குப்பதிவை திட்டமிட உத்தரவிட்டதை தொடர்ந்து இந்த முடிவு எடுக்கப்பட்டுள்ளது. குரை தொகுதியில் உள்ள மொய்ராங்காம்பு சஜேப் மற்றும் தொங்கம் லைகாய் வாக்கு சாவடிகள், இம்பால் கிழக்கு மாவட்டத்தில் உள்ள நான்காவது வாக்கு சாவடி, தோங்ஜுவில் உள்ள ஒரு வாக்குச் சாவடி, உரிபோக்கில் உள்ள மூன்று வாக்கு சாவடிகள் மற்றும் இம்பால் மேற்கு மாவட்டத்தில் உள்ள ஒரு வாக்குச் சாவடியில் நாளை மறுவாக்குப்பதிவு நடைபெற உள்ளது.
47 வாக்குச் சாவடிகள் கைப்பற்றப்பட்டதாக தகவல்
ஏப்ரல் 19ஆம் தேதி வாக்குப்பதிவு நடைபெறும் போது, துப்பாக்கிச் சூடு, மிரட்டல், மின்னணு வாக்குப்பதிவு இயந்திரங்கள் சேதம் மற்றும் வாக்குச்சாவடி கைப்பற்றப்பட்டது போன்ற வன்முறை சம்பவங்கள் மணிப்பூரில் நடந்ததால் இந்த 11 வாக்கு சாவடிகளில் மீண்டும் வாக்கு பதிவு ஏற்பாடு செய்யப்பட்டுள்ளது. ஏப்ரல் 19ஆம் தேதி உள் மணிப்பூர் மற்றும் அவுட்டர் மணிப்பூர் ஆகிய இரண்டு மக்களவைத் தொகுதிகளில் 72 சதவீத வாக்குகள் பதிவாகின என்பது குறிப்பிடத்தக்கது. மணிப்பூரில் 47 வாக்குச் சாவடிகள் கைப்பற்றப்பட்டதாகவும், தேர்தலில் முறைகேடுகள் நடைபெற்றதாகவும் கூறி மறுவாக்குப்பதிவு நடத்த வேண்டும் என்று காங்கிரஸ் கட்சி வலியுறுத்தியுள்ளது.
