46 ஆண்டுகளுக்குப் பிறகு மீண்டும் திறக்கப்பட்டது பூரி ஜெகநாதர் கோவிலின் கருவூலம்
ஒடிசா பூரியில் உள்ள 12-ம் நூற்றாண்டைச் சேர்ந்த ஜெகநாதர் கோயிலின் கருவூலமான ரத்னா பந்தர் 46 ஆண்டுகளுக்குப் பிறகு இன்று பிற்பகல் மீண்டும் திறக்கப்பட்டது. ஒடிசா அரசால் அமைக்கப்பட்ட 11 பேர் கொண்ட குழுவின் உறுப்பினர்கள் இன்று மதியம் ஜெகநாதர் கோவிலுக்குள் நுழைந்து அதன் மரியாதைக்குரிய கருவூலத்தை மீண்டும் திறக்கச் சென்றனர். கருவூலத்திற்குள் நுழைந்தவர்களில் முன்னாள் ஒரிசா உயர் நீதிமன்ற நீதிபதி பிஸ்வநாத் ராத், ஸ்ரீ ஜகன்னாதர் கோயில் நிர்வாகத்தின் (SJTA) தலைமை நிர்வாகி அரபிந்த பதி, ASI கண்காணிப்பாளர் DB கடநாயக் மற்றும் பூரியின் பட்டத்து அரசர் 'கஜபதி மகாராஜா'வின் பிரதிநிதி ஆகியோர் அடங்குவர்.
கடைசியாக 1978இல் திறக்கப்பட கருவூலத்தின் உள்புற அறை
பட்ஜோஷி மொஹாபத்ரா, பந்தர் மேகப், சதௌகரானா மற்றும் டெயூலிகரன் ஆகிய நான்கு கோவில் பணியாளர்களும் அவர்களோடு கோவில் கருவூலத்திற்குள் நுழைந்தனர். கருவூலத்தை மீண்டும் திறப்பதற்கு ஒப்புதல் கோரும் 'அக்னியா' சடங்கு இன்று காலையில் நிறைவடைந்தது. ஜகன்னாதர், சுபத்ரா மற்றும் பாலபத்ரா ஆகிய உடன்பிறந்த தெய்வங்களுக்கு பல நூற்றாண்டுகளாக பக்தர்கள் மற்றும் முன்னாள் மன்னர்கள் நன்கொடையாக வழங்கிய விலைமதிப்பற்ற ஆபரணங்கள் அந்த கருவூலத்தில் உள்ளது. அந்த கருவூலம் வெளிப்புற அறை(பஹாரா பந்தர்) மற்றும் உள் அறை(பிதாரா பந்தர்) என பிரிக்கப்பட்டுள்ளது. வருடாந்திர ரத யாத்திரையின் போது கருவூலத்தில் வெளிப்புற அறை திறக்கப்பட்டாலும், அதன் உள்புற அறை கடைசியாக 1978இல் திறக்கப்பட்டது
