WFI தலைவருக்கு எதிராக உச்ச நீதிமன்றத்தில் மனு தாக்கல் செய்த மல்யுத்த வீரர்கள்
வினேஷ் போகட், சாக்ஷி மாலிக், பஜ்ரங் புனியா உள்ளிட்ட முன்னணி மல்யுத்த வீரர்கள், இந்திய மல்யுத்த சம்மேளனத்தின்(WFI) தலைவர் பிரிஜ் பூஷன் சரண் சிங்கிற்கு எதிராக FIR கோரி உச்ச நீதிமன்றத்தில் மனு தாக்கல் செய்துள்ளனர். மல்யுத்த வீராங்கனைகளை பாலியல் வன்கொடுமை செய்ததாக பிரிஜ் பூஷன் மீது குற்றம்சாட்டப்பட்டுள்ளது. கடந்த ஜனவரி மாதம், இதே பிரச்சனைக்காக இந்த மல்யுத்த வீரர்கள் போராடினர். மூன்று மாதங்களுக்குப் பிறகு, WFIஐ சேர்ந்த வீரர்கள் தங்கள் போராட்டத்தை மீண்டும் டெல்லியின் ஜந்தர் மந்தரில் ஆரம்பித்துள்ளனர். இதற்கிடையில், குற்றச்சாட்டுகளை விசாரிக்க மத்திய விளையாட்டு அமைச்சகத்தால் உருவாக்கப்பட்ட விசாரணைக் குழுவிடம் டெல்லி காவல்துறை அறிக்கையைக் கேட்டுள்ளது. WFI தலைவருக்கு எதிராக மொத்தம் ஏழு புகார்கள் சமர்பிக்கப்பட்டுள்ளன.
விடியவிடிய போராடிய விளையாட்டு வீரர்கள்
"விசாரணையின் ஒரு பகுதியாக, WFI தலைவர் மீது சுமத்தப்பட்ட பாலியல் வன்கொடுமை குற்றச்சாட்டுகள் குறித்து விசாரிக்க விசாரணைக் குழுவிடம் நாங்கள் அறிக்கையை கோரியுள்ளோம்." என்று டெல்லி போலீஸார் தெரிவித்துள்ளனர். பிரபல குத்துச்சண்டை வீராங்கனை மேரி கோம் தலைமையிலான ஐந்து பேர் கொண்ட மேற்பார்வைக் குழு மத்திய அமைச்சகத்தால் ஜனவரி மாதம் அமைக்கப்பட்டது. மல்யுத்த வீரர்களுடன் கலந்துரையாடிய பிறகு, மத்திய அமைச்சகம் இந்த முடிவை எடுத்தது. இந்த குழு, WFIஇன் அன்றாட நடவடிக்கைகளை மேற்பார்வையிட்டது. மேலும், பாஜக தலைவர் பிர்ஜ் பூஷண் மீதான குற்றச்சாட்டுகளையும் இந்த குழு ஆராய்ந்தது. தேசிய விருது பெற்ற பல விளையாட்டு வீரர்கள், இந்த குழுவின் கண்டுபிடிப்புகளை வெளியிட வேண்டும் என்று கோரி ஜந்தர் மந்தரில் நேற்று விடியவிடிய போராடினர்.
இந்த காலவரிசையைப் பகிரவும்