குருக்ஷேத்ரா-டெல்லி நெடுஞ்சாலையை மறித்து விவசாயிகள் போராட்டம்
செய்தி முன்னோட்டம்
சூரியகாந்தி விதைகளை குறைந்தபட்ச கொள்முதல் விலையில்(MSP) வாங்காத ஹரியானா அரசின் முடிவுக்கு எதிர்ப்புத் தெரிவித்து, ஹரியானா மாநிலம் குருக்ஷேத்ராவில் டிராக்டர்களுடன் தேசிய நெடுஞ்சாலையை மறித்து விவசாயிகள் போராட்டத்தில் ஈடுபட்டுள்ளனர்.
சூரியகாந்தி விதைகளை குறைந்தபட்ச கொள்முதல் விலையில் வாங்க வேண்டும் உள்ளிட்ட கோரிக்கைகளை வலியுறுத்தி விவசாயிகள் இன்று(ஜூன் 12) தேசிய நெடுஞ்சாலையில் மறியலில் ஈடுபட்டனர்.
மாநில அரசின் முடிவுக்கு எதிராக இன்று மகாபஞ்சாயத் என்ற கூட்டம் நடைபெற்றது. அதனையடுத்து, குருக்ஷேத்ரா மாவட்டத்தில் பிப்லி அருகே உள்ள மேம்பாலத்தில் திரண்ட விவசாயிகள், போராட்டத்தை ஆரம்பித்தனர்.
பாரதிய கிசான் யூனியன் தலைவர் ராகேஷ் திகாத் உள்ளிட்ட முக்கிய விவசாயத் தலைவர்களைத் தவிர, மல்யுத்த வீரர் பஜ்ரங் புனியாவும் இந்த மகாபஞ்சாயத்தில் கலந்து கொண்டார்.
details
ஜூன் 6-ம் தேதி நடந்த சாலை மறியலை தடுக்க போலீசார் தடியடி நடத்தினர்
குருக்ஷேத்திராவில் நடந்த மகாபஞ்சாயத்தை தொடர்ந்து, டெல்லி-சண்டிகர் தேசிய நெடுஞ்சாலையில் போக்குவரத்து பாதிக்கப்பட்டது.
சூரியகாந்தி விதைகளை மாநில அரசு குறைந்த விலையில் கொள்முதல் செய்ய மறுக்கிறது என்று போராட்டத்தில் ஈடுபட்ட விவசாயிகள் கூறினர்.
மேலும், தங்கள் விளைபொருட்களை சுமார் ரூ. 4,000(100 கிலோவுக்கு) தனியாரிடம் விற்க வேண்டிய கட்டாயம் ஏற்பட்ட்டுள்ளதாகவும், அதை அரசாங்கம் கொள்முதல் செய்தால் ரூ. 6,400 கிடைக்கும் என்றும் அவர்கள் தெரிவித்துள்ளனர்.
தங்கள் கோரிக்கைகள் நிறைவேறாததால், விவசாயிகள் கடந்த ஜூன் 6-ம் தேதி குருக்ஷேத்ராவில் டெல்லி-அமிர்தசரஸ் தேசிய நெடுஞ்சாலையை மறித்து போராட்டத்தில் ஈடுபட்டனர்.
இதையடுத்து, சாலை மறியலை தடுக்க போலீசார் தடியடி நடத்தினர்.
அதன்பிறகு, ஒன்பது BKU தலைவர்கள், பல்வேறு குற்றச்சாட்டுகளின் கீழ் கைது செய்யப்பட்டனர் என்பது குறிப்பிடத்தக்கது.