தேர்தல் அதிகாரிகளை நியமிக்க தடை விதிக்க வேண்டும் என உச்ச நீதிமன்றத்தில் மனு
செய்தி முன்னோட்டம்
இந்த வாரம் புதிதாக இரண்டு தேர்தல் ஆணையர்கள் நியமிக்கப்படுவார்கள் என்று பேசப்பட்டு வரும் நிலையில், தேர்தல் ஆணையர்களை நியமிக்க மத்திய அரசுக்கு தடை விதிக்க வேண்டும் என்று கோரி உச்ச நீதிமன்றத்தில் மனு தாக்கல் செய்யப்பட்டுள்ளது.
மத்தியப் பிரதேசத்தைச் சேர்ந்த காங்கிரஸ் தலைவர் ஒருவர் தேர்தல் ஆணையர்களை நியமிப்பதைத் தடுக்கும் வகையில் 2023ஆம் ஆண்டு வழங்கிய தீர்ப்பை மேற்கோள் காட்டி மனு தாக்கல் செய்துள்ளார்.
அருண் கோயலின் ராஜினாமா மூலம் காலியான ஒரு தேர்தல் ஆணையர் பதவிக்கும், அனுப் சந்திர பாண்டேவின் ஓய்வு மூலம் காலியான மற்றொரு தேர்தல் ஆணையர் பதவிக்கும் புதிய அதிகாரிகள் நியமிக்கப்பட உள்ளனர் என்று பேசப்பட்டு வருகிறது.
இந்தியா
இந்திய தலைமை நீதிபதி, எதிர்க்கட்சித் தலைவர் அடங்கிய குழுவிடம் ஆலோசனை கேட்க கோரிக்கை
இந்தியாவில் தேர்தல் ஆணையர்கள் பிரதம மந்திரி தலைமையிலான மூன்று பேர் கொண்ட குழுவின் பரிந்துரையின் பேரில் குடியரசு தலைவரால் நியமிக்கப்படுகிறார்கள்.
பிரதமர் நரேந்திர மோடி, ஒரு மத்திய அமைச்சர் மற்றும் காங்கிரஸ் எம்பி ஆதிர் ரஞ்சன் சவுத்ரி ஆகியோர் அந்த குழுவில் அடங்குவர்.
இந்த உயர் அதிகாரம் கொண்ட குழு மார்ச் 15ஆம் தேதிக்குள் நியமனங்களை இறுதி செய்யும் என்று எதிர்பார்க்கப்படுகிறது.
இந்நிலையில், பிரதமர், எதிர்க்கட்சித் தலைவர் மற்றும் இந்தியத் தலைமை நீதிபதி ஆகியோர் அடங்கிய குழுவின் ஆலோசனையின் பேரில் மட்டுமே தேர்தல் ஆணையர்களை நியமிக்க வேண்டும் என்று 2023ஆம் ஆண்டு அரசியல் சாசன பெஞ்ச் அளித்த உத்தரவை மேற்கோள் காட்டி காங்கிரஸ் தலைவர் ஜெயா தாக்கூர் உச்சநீதிமன்றத்தில் மனு தாக்கல் செய்துள்ளார்.