இன்றைய நாடளுமன்ற நிகழ்வுகள்: நீட் முறைகேடு குறித்த விவாதத்தை எழுப்ப எதிர்க்கட்சிகள் தயாராகி வருகிறது
செய்தி முன்னோட்டம்
இன்றைய நாடாளுமன்ற கூட்டத்தொடரில் நீட்-யுஜி தேர்வில் முறைகேடுகள் நடந்ததாகக் கூறப்படும் விவகாரத்தை எழுப்ப எதிர்க்கட்சிகள் முடிவு செய்துள்ளனர்.
காரசாரமாக நடைபெறும் என எதிர்பார்க்கப்படும் இந்த விவாதத்தை சமாளிக்க மத்திய அரசும் தயாராக உள்ளது என்று செய்தி நிறுவனங்கள் தெரிவித்தன.
முன்னதாக 18ஆம் நாடாளுமன்ற கூட்டத்தொடர் கடந்த திங்கள்கிழமை துவங்கியது.
அப்போது, மக்களவையில் ஆளும் தேசிய ஜனநாயகக் கூட்டணி உறுப்பினர்கள் பதவியேற்பின் போதே, எதிர்க்கட்சி எம்.பி.க்கள் பலர் நீட் விவகாரம் தொடர்பாக கோஷங்களை எழுப்பினர்.
தொடர்ந்து நேற்று இரு அவைகளிலும் குடியரசுத் தலைவர் உரைக்கு நன்றி தெரிவிக்கும் தீர்மானத்தின் போது எதிர்க்கட்சிகள் நீட் விவகாரத்தை எழுப்பலாம் என வட்டாரங்கள் தெரிவித்தன.
நீட் விவாதம்
நீட் விவாதம்
இந்த நிலையில் எதிர்கட்சில் இந்த இன்று விவாதம் நடைபெறும் என எதிர்பார்க்கப்படுகிறது. அப்படி ஒரு வேளை எதிர்க்கட்சிகள் கேள்வி எழுப்பினால், அதனை எதிர்கொள்ள மத்திய கல்வி அமைச்சர் தர்மேந்திர பிரதான் தலையிடலாம்.
"நீட் விவகாரத்தில் எதிர்க்கட்சிகளின் அனைத்து கேள்விகளுக்கும் அரசாங்கம் பதிலளிக்கும், ஏனெனில் பிரச்சினையை சரிசெய்ய ஆளும் ஆட்சியால் தேவையான நடவடிக்கைகள் எடுக்கப்பட்டுள்ளன," என்று இந்தியா டுடே செய்தி வெளியிட்டுள்ளது.
முன்னதாக, காங்கிரஸ் தலைவர் மலிகார்ஜுன் கார்கேவின் இல்லத்தில் நடைபெற்ற இந்திய அணித் தலைவர்கள் கூட்டத்தில், நீட் விவகாரம் குறித்து விரிவாக விவாதிக்கப்பட்டது.
உண்மையில், இரு அவைகளிலும் இந்த விவகாரம் குறித்து விவாதிக்க எதிர்க்கட்சிகள் அழுத்தம் கொடுக்கும் என்று ஒருமித்த கருத்து இருந்தது.
எதிர்க்கட்சிகள்
விவாதிக்க தயாராகும் எதிர்க்கட்சிகள்
மக்களவை எதிர்க்கட்சித் தலைவர் ராகுல் காந்தி, சரத் பவார், சுப்ரியா சூலே, திமுக தலைவர் கனிமொழி, சிவசேனா (யுபிடி) தலைவர்கள் சஞ்சய் ராவத், பிரியங்கா சதுர்வேதி, அரவிந்த் சாவந்த், ஆம் ஆத்மி கட்சித் தலைவர்கள் சஞ்சய் சிங், சந்தீப் பதக் மற்றும் பலர் இந்த விவகாரத்தில் கேள்வி எழுப்பக்கூடும்.
முன்னதாக ராஜ்யசபாவின் எதிர்க்கட்சித் தலைவரான மல்லிகார்ஜுன் கார்கே, மூன்று நாட்களுக்குள், முறையான ஒருங்கிணைப்பு இருப்பதை உறுதிசெய்யும் முயற்சியில், தளத் தலைவர்களுடன் இரண்டு சந்திப்புகளை நடத்தினார்.
இதைத்தொடர்ந்து நேற்று நாடாளுமன்றத்தின் கூட்டுக் கூட்டத்தில் ஜனாதிபதியின் உரையை கார்கே விமர்சித்து, நீட் மற்றும் பிற அழுத்தமான பிரச்சினைகளில் முறைகேடுகள் குறித்த தீர்மானம் பற்றி எதுவும் குறிப்பிடப்படவில்லை என்று கூறினார். "