புதிய கொரோனா வைரஸின் வீரியம் குறைவாகவே உள்ளது - சுகாதாரத்துறை அமைச்சர் மா.சுப்ரமணியம்
செய்தி முன்னோட்டம்
தமிழகத்தில் தற்போது கொரோனா பாதிப்பு அதிகரிக்க துவங்கியுள்ளது என்று செய்திகள் வெளியாகி வருகிறது.
அதற்கான முன்னெச்சரிக்கை நடடிக்கைகளை தமிழக அரசு மேற்கொண்டு வருகிறது.
இதில் ஓர் பாகமாக, தமிழகம் முழுவதும் உள்ள 11,000 அரசு மருத்துவமனைகளில் கொரோனா சிகிச்சைக்கான கட்டமைப்புகள் தயார் நிலையில் உள்ளதா என்பதை சுகாதாரத்துறை அமைச்சர் மா.சுப்ரமணியம் அவர்கள் ஆய்வு செய்தார்.
சென்னை ராஜிவ் காந்தி மருத்துவமனையில் ஆய்வு மேற்கொண்ட அமைச்சர் இதுகுறித்து செய்தியாளர்களை சந்தித்து பேசுகையில், தமிழகத்தில் கொரோனா க்ளஸ்டர் பரவலாக இல்லை. தனித்தனி பாதிப்புகளாகவே ஏற்படுகிறது.
மேலும் இந்த புது கொரோனா வைரஸின் வீரியம் குறைவாகவே காணப்படுவதால், தமிழகத்தில் ஆக்சிஜன் தேவைப்படும் அளவிற்கு பாதிப்பின் தாக்கம் இல்லை.
ராஜிவ்காந்தி அரசு மருத்துவமனையில் இதற்காக 150 படுக்கைகள் ஒதுக்கப்பட்டுள்ளது.
11,000 பேருக்கு சிகிச்சை
தினமும் 500 பேருக்கு ஆர்டிபி பிசிஆர் பரிசோதனை
பிபிடி.கிட்கள், மருந்துகள் அனைத்தும் தயார் நிலையில் உள்ளது என்று அவர் கூறியுள்ளார்.
தொடர்ந்து பேசியஅவர், இங்கு இன்று(ஏப்ரல்.,10) கொரோனா பரிசோதனை மேற்கொள்ளப்பட்டது.
தினமும் 500 பேருக்கு ஆர்டிபி பிசிஆர் பரிசோதனை செய்யப்பட்டு வருகிறது.
தமிழ்நாடு முழுவதும் 64,281 படுக்கைகள் தயார்நிலையில் உள்ளது.
33 ஆயிரத்திற்கும் மேற்பட்ட படுக்கைகள் ஆக்சிஜன் வசதியுடன் அமைக்கப்பட்டுள்ளது.
24,500 ஆக்சிஜன் வெண்டிலெட்டர்களும் தயாராக உள்ளது என்று தெரிவித்துள்ளார்.
அண்மையில் இன்ஃப்ளூயன்சா வைரஸ் தொற்று அதிகளவில் பரவியநிலையில் பொதுமக்களுக்காக 53,000க்கும் மேற்பட்ட மருத்துவ முகாம்கள் பள்ளி, கல்லூரிகளில் நடத்தப்பட்டது.
இதன்மூலம் பாதிப்பு இருந்த 11,000 பேருக்கு சிகிச்சையும் அளிக்கப்பட்டது.
தமிழகத்தில் நேற்றைய(ஏப்ரல்.,9) நிலவரப்படி ஆண்கள் 189, பெண்கள் 180 என மொத்தம் 369 பேருக்கு கொரோனா தொற்று கண்டறியப்பட்டது குறிப்பிடத்தக்கது.