மும்பையில் அறிமுகப்படுத்தப்படவிருக்கும் 'எலெக்ட்ரிக் தண்ணீர் டாக்ஸி' சேவை
செய்தி முன்னோட்டம்
மும்பையில் புதுவகையான போக்குவரத்து முறை ஒன்று அறிமுகப்படுத்தப்படவிருக்கிறது. கடலோரத்தில் அமைந்திருக்கும் மும்பை நகரில் புதிதாக, எலெக்ட்ரிக் தண்ணீர் டாக்ஸி போக்குவரத்து முறையானது, வரும் டிசம்பரில் அறிமுகப்படுத்தப்படவிருக்கிறது.
தெற்கு மும்பையில் உள்ள வரலாற்றுச் சிறப்புமிக்க கேட்வே ஆஃப் இந்தியாவில் இருந்து நவி மும்பையில் உள்ள பெலாபூர் வரை எலெக்ட்ரிக் தண்ணீர் டாக்ஸிக்களை இயக்கவிருக்கிறது 'இன்ஃபினிட்டி ஹார்பர் சர்வீஸ்' நிறுவனம்.
இந்த போக்குவரத்து சேவையை வழங்குவதற்கான ரூ.2.5 கோடி மதிப்புடைய சிறந்த தொழில்நுட்பங்களைக் கொண்ட எலெக்ட்ரிக் படகுகளை வாங்கியிருக்கிறது இன்ஃபினிட்டி ஹார்பர் சர்வீஸ் நிறுவனம். மும்பைவாசிகளுக்கும், சுற்றுலா பயணிகளுக்கும் இந்தப் படகுகள் மூலம் புதுவித அனுபவத்தை அளிக்கவிருக்கிறது அந்நிறுவனம்.
மும்பை
மும்பையின் புதிய தண்ணீர் டாக்ஸி:
டிசம்பரில் அறிமுகப்படுத்தப்படும் இந்த தண்ணீர் டாக்ஸி சேவையில் பயன்படுத்தப்படவிருக்கும் எலெக்ட்ரிக் படகுகளை கோவாவில் தற்போது தீவிர சோதனைக்கு உட்படுத்தி வருகிறது இன்ஃபினிட்டி ஹார்பர் சர்வீஸ்.
24 நபர்கள் வரை அமர்ந்து பயணம் செய்யக்கூடிய வகையிலான இரண்டு தண்ணீக் டாக்ஸிகளை கோவாவில் சோதனை செய்து வரும் நிலையில், ஆறு நபர்கள் வரை அமர்ந்து பயணம் செய்யக்கூடிய சிறிய அளவிலான இரண்டு தண்ணீர் டாக்ஸிகளை கொச்சியில் சோதனை செய்து வருகிறது அந்நிறுவனம்.
ஒரு முறை சார்ஜ் செய்தால் தொடர்ந்து நான்கு மணி நேரம் இயங்கும் திறனைப் பெற்றிருக்கின்றன புதிய தண்ணீர் டாக்ஸிகள். இது, சாதாரண படகு ஒரு ணி நேரத்தில் 140 லிட்டர் டீசலை பயன்படுத்தும் அளவிற்கு சமமாகும்.