ஹிஜாப் தடையை தொடர்ந்து, தற்போது மும்பை கல்லூரியில் ஜீன்ஸ், டி-சர்ட் தடை
செய்தி முன்னோட்டம்
மும்பையின் செம்பூரில் உள்ள ஆச்சார்யா & மராத்தே கல்லூரி மாணவர்கள் ஜீன்ஸ் மற்றும் டி-சர்ட்களை தடை செய்யும் புதிய டிரஸ் கோட்-ஐ அறிமுகப்படுத்தியுள்ளது.
திங்கள்கிழமை இந்த ஆடைகளை அணிந்ததற்காக மாணவர்களுக்கு கல்லூரி வளாகத்திற்குள் அனுமதி மறுக்கப்பட்டது போது தான் இந்த அறிவிப்பு பற்றி மாணவர்களுக்கு தெரியவந்தது எனக்கூறப்படுகிறது.
முன்னதாக ஹிஜாப்கள் மற்றும் பிற மதச் சின்னங்களுக்கு கல்லூரியின் தடையை எதிர்த்து தாக்கல் செய்யப்பட்ட மனுவை பம்பாய் உயர்நீதிமன்றம் சமீபத்தில் தள்ளுபடி செய்ததைத் தொடர்ந்து இந்த புதிய அறிவிப்பு வெளியாகியுள்ளது.
டிரஸ் கோட் விவரங்கள்
கல்லூரி அறிவிப்பு புதிய டிரஸ் கோட் விதிமுறைகளை விவரிக்கிறது
ஜூன் 27 தேதியிட்ட கல்லூரி அறிவிப்பில், புதிய டிரஸ் கோட் படி, கிழிந்த ஜீன்ஸ், டி-ஷர்ட்கள், உடல் பாகங்களை வெளிப்படுத்தும் ஆடைகள் மற்றும் ஜெர்சிகளுக்கு தடை விதிக்கப்பட்டுள்ளது.
தலைமையாசிரியர் டாக்டர் வித்யாகௌரி லெலே கையொப்பமிட்ட இந்த நோட்டீசில் மாணவர்கள் வளாகத்தில் முறையான உடைகளை அணியுமாறு அறிவுறுத்தப்பட்டுள்ளது.
ஆண்கள் பேண்ட்களுடன் அரைக்கை அல்லது முழுக்கை சட்டைகளை அணியலாம் என்றும், பெண்கள் எந்த இந்திய அல்லது மேற்கத்திய ஆடைகளையும் தேர்வு செய்யலாம் என்று கூறப்பட்டுள்ளது.
இருப்பினும், மத அல்லது கலாச்சார வேறுபாட்டைக் காட்டும் ஆடைகள் அனுமதிக்கப்படாது.
தயாரிப்பு
புதிய டிரஸ் கோட், மாணவர்களை கார்ப்பரேட் உலகிற்கு தயார்படுத்துவதை நோக்கமாகக் கொண்டுள்ளது
கார்ப்பரேட் உலகிற்கு மாணவர்களை தயார்படுத்தும் வகையில் இந்த புதிய ஆடைக் கட்டுப்பாடு வடிவமைக்கப்பட்டுள்ளதாக கல்லூரி நிர்வாகம் உறுதிபடக் கூறுகிறது.
இது பற்றி தலைமையாசிரியர் டாக்டர் லெலே, "மாணவர்கள் கண்ணியமான ஆடைகளை அணிய வேண்டும் என்று நாங்கள் விரும்புகிறோம்" எனக்கூறினார்.
கல்லூரி சீருடை எதுவும் அறிமுகப்படுத்தப்படவில்லை, ஆனால் மாணவர்கள் நாகரீகமான இந்திய அல்லது மேற்கத்திய ஆடைகளை அணியுமாறு கேட்டுக் கொள்ளப்படுகிறார்கள் என்று அவர் தெளிவுபடுத்தினார்.