பாட்னா: பள்ளி வளாகத்தில் 3 வயது குழந்தையின் சடலம் கண்டெடுப்பு; பள்ளிவளாகம் தீவைப்பு
செய்தி முன்னோட்டம்
பாட்னாவில் காணாவில்லை என தேடப்பட்ட 3 வயது சிறுவன், அவனது பள்ளியின் வாய்க்காலில்(ditch) சடலமாக கண்டெடுக்கப்பட்டது அப்பகுதியில் பெரும் சலசலப்பை ஏற்படுத்தியது.
சிறுவன் இறந்து, அவனது சடலம் மறைத்து வைக்கப்பட்ட செய்தியை அறிந்ததும், ஆத்திரமடைந்த அவனது குடும்பத்தினர் பள்ளி கட்டிடத்திற்கு தீ வைத்தனர்.
அதோடு, சாலைகளை மறித்து, வாகன போக்குவரத்துக்கு இடையூறு விளைவித்து, தெருக்களில் டயர்களை எரித்த சம்பவமும் நடந்தேறியது.
பள்ளி முடிந்தும் வீடு திரும்பாததால், குழந்தை காணாமல் போனதாக புகார் அளிக்கப்பட்டுள்ளது. குழந்தையின் இருப்பிடம் குறித்த கேள்விகளை பள்ளி அதிகாரிகள் தவிர்த்துவிட்டதால், குடும்பத்தினர் தாங்களே வளாகத்தில் தேடிய போது, சிறுவனின் உடலைக் கண்டுபிடித்தனர்.
விசாரணை
காவல்துறை விசாரணை முடக்கம்
இதுகுறித்து மூத்த போலீஸ் அதிகாரி ஒருவர் கூறுகையில், ''குழந்தை கடத்தல் வழக்கு நேற்று பதிவு செய்யப்பட்டு, விசாரணை நடத்தி, சிசிடிவி காட்சிகளை ஆய்வு செய்ததில், குழந்தை பள்ளிக்குள் சென்றது, வெளியே வராதது தெரியவந்தது. பள்ளி சிறுவர்களிடம் செய்த விசாரணையில், இரு பள்ளி குழந்தைகள், காணாமல் போன சிறுவனின் உடல் பள்ளி அறையின் கழிவுநீரில் மறைத்து வைக்கப்பட்டிருந்ததை கண்டதாக ஒப்புக்கொண்டனர்" என்றார்.
"மேலும், குற்றவியல் நோக்கத்தின் அறிகுறிகளால் இதை கொலை வழக்காக கருதுகிறோம். நாங்கள் மூன்று பேரை கைது செய்துள்ளோம். இது குறித்து மேலும் விசாரணை நடந்து வருகிறது" என்று அந்த அதிகாரி மேலும் கூறினார்.
"சிறுவன் ஸ்லைடரில் இருந்து விழுந்து, தலையில் காயம் அடைந்து மயக்கமடைந்தான்" என்று ஆரம்ப கண்டுபிடிப்புகளை அதிகாரி பகிர்ந்துகொண்டார்.