சென்னையில் நில அதிர்வு ஏற்பட்டது உண்மையா
செய்தி முன்னோட்டம்
சென்னை அண்ணா சாலையில் இருக்கும் பல்வேறு கட்டிடங்களில் இன்று(பிப் 22) காலை நில அதிர்வு உணரப்பட்டதாக மக்களும் ஊடகங்களும் தெரிவித்தன. இது முதலில் மெட்ரோ பணிகளால் ஏற்பட்ட நில அதிர்வாக இருக்கலாம் என்று சந்தேகிக்கப்பட்டது. ஆனால், இதை மெட்ரோ நிர்வாகம் திட்டவட்டமாக மறுத்துவிட்டது. "நில அதிர்வு ஏற்படும் வகையில் அங்கே பணி நடைபெறவில்லை" என்று மெட்ரோ அதிகாரிகள் கூறி இருந்தனர். தேசிய நிலநடுக்கவியல் மையத்தின் இணையதளத்தில் பதிவு செய்யப்பட்டிருக்கும் தரவுகளின் படி சென்னையில் எந்தவிதமான நில அதிர்வும் ஏற்படவில்லை. இது குறித்து தேசிய நில அதிர்வு கண்காணிப்பு மையத்தில் கேட்கப்பட்டுள்ளது. ஆனால் இதுவரை எந்த தகவலும் இல்லை என்று வானிலை ஆய்வு மையத்தின் தென் மண்டல தலைவர் பாலச்சந்திரன் கூறியுள்ளார்.
ட்விட்டர் அஞ்சல்
சென்னையில் நில அதிர்வு ஏற்பட்டதற்கான அதிகாரபூர்வ தகவல்கள் எதுவுமில்லை
சென்னையில் நில அதிர்வு உணரப்பட்டது குறித்து நில அதிர்வுக்கான தேசிய மையத்தின் இணையதளத்தில் அதிகாரப்பூர்வமாக எதுவும் பதிவாகவில்லை#SunNews | #EarthQuake | #Seismology | #Chennai pic.twitter.com/DWOVQciUy8
— Sun News (@sunnewstamil) February 22, 2023