அதிக வார்த்தைகள் கொண்ட பட்ஜெட் உரை முதல் குறுகிய பட்ஜெட் உரை வரை நீங்கள் தெரிந்துகொள்ள வேண்டியது
தொடர்ந்து மூன்றாவது முறையாக பாஜக தலைமையிலான தேசிய ஜனநாயக கூட்டணி அரசின் முதல் பட்ஜெட்டை நிதியமைச்சர் நிர்மலா சீதாராமன் தாக்கல் செய்ய உள்ளார். நிர்மலா சீதாராமன் இந்த ஆண்டு பிப்ரவரியில் மக்களவைத் தேர்தலுக்கு முன்னதாக இடைக்கால பட்ஜெட்டை தாக்கல் செய்ததால் 2024-25 நிதியாண்டுக்கான முழு பட்ஜெட்டாக இது இருக்கும். 2019-2020 ஆம் ஆண்டிற்கான தனது முதல் பட்ஜெட் உரையில், சீதாராமன் இரண்டு மணி நேரம் 17 நிமிடங்கள் பேசினார். அதுதான் அவரது நீண்ட பட்ஜெட் உரை. அதே வேளையில் வார்த்தைகளின் எண்ணிக்கையைப் பொறுத்தவரை, 1991இல் முன்னாள் பிரதமர் மன்மோகன் சிங், 18,650 வார்த்தைகளில் பேசியதுதான் மிக நீண்ட பட்ஜெட் உரை. இது போன்ற மேலும் சில சுவாரசிய தகவல்களை தெரிந்து கொள்ளுங்கள்:
பட்ஜெட் பற்றி சுவாரசிய தகவல்கள்
இந்தியாவின் முதல் பட்ஜெட்: முதல் மத்திய பட்ஜெட் நவம்பர் 26,1947 அன்று நாட்டின் முதல் நிதி அமைச்சர் ஆர்.கே.சண்முகம் செட்டியால் தாக்கல் செய்யப்பட்டது. நீண்ட பட்ஜெட் உரை: மிக நீண்ட பட்ஜெட் உரைக்கான சாதனையை செய்தது தற்போதைய நிதியமைச்சர் நிர்மலா சீதாராமன். இவரது பட்ஜெட் உரை கடந்த பிப்ரவரி 1, 2020 அன்று இரண்டு மணி நேரம் 40 நிமிடங்கள் நீடித்தது. எனினும் 2022 ஆம் ஆண்டில், சீதாராமன் மொத்தம் ஒன்றரை மணிநேரம் மட்டுமே பேசினார், இது அவரது மிகக் குறுகிய பட்ஜெட் உரை. குறுகிய பட்ஜெட் உரை: ஹிருபாய் முல்ஜிபாய் படேலின் 1977ஆம் ஆண்டு இடைக்கால பட்ஜெட் உரையே இதுவரை 800 வார்த்தைகளைக் கொண்ட மிகக் குறுகிய பட்ஜெட் உரையாகும்.