வோட்டர் லிஸ்ட்ல பேர் இல்லையா? வாக்காளர் பட்டியலில் பெயர் சேர்க்க மார்ச் 27 கடைசி வாய்ப்பு
செய்தி முன்னோட்டம்
தமிழ்நாடு சட்டப்பேரவைத் தேர்தல் வரும் ஏப்ரல் 23-ஆம் தேதி நடைபெறும் என்று இந்திய தேர்தல் ஆணையம் அறிவித்துள்ளது. இந்த தேர்தலில் தகுதியுள்ள அனைத்து வாக்காளர்களும் தங்களது ஜனநாயக கடமையை ஆற்றுவதை உறுதி செய்யும் வகையில், விடுபட்டவர்கள் பெயர் சேர்க்க மார்ச் 27-ஆம் தேதி வரை கால அவகாசம் வழங்கப்பட்டுள்ளது. 01.01.2026 அன்று 18 வயது பூர்த்தியடைந்த, ஆனால் இதுவரை வாக்காளர் பட்டியலில் பெயர் இடம்பெறாதவர்கள் தற்போது விண்ணப்பிக்கலாம். பிப்ரவரி 23-ல் வெளியிடப்பட்ட இறுதிப் பட்டியலின்படி, தமிழகத்தில் தற்போது 5,69,17,979 வாக்காளர்கள் உள்ளனர். இதில் உங்கள் பெயர் உள்ளதா என்பதை [voters.eci.gov.in](https://voters.eci.gov.in) என்ற இணையதளத்தில் சரிபார்த்துக் கொள்ளலாம்.
வழிகாட்டுதல்
விண்ணப்பிக்கும் முறை
வேட்புமனு தாக்கலுக்கான கடைசி நாளுக்கு பத்து நாட்களுக்கு முன்பு வரை மட்டுமே விண்ணப்பிக்க முடியும் என்பதால், மார்ச் 27-ஆம் தேதி விண்ணப்பிக்க இறுதி நாளாகும். 1. ஆன்லைன் வழி: [voters.eci.gov.in](https://voters.eci.gov.in) இணையதளத்தில் மொபைல் எண் மூலம் லாக்-இன் செய்து, படிவம் 6-ஐ பூர்த்தி செய்து ஆவணங்களை அப்லோட் செய்யலாம். 2. நேரடி வழி: உங்கள் தொகுதியில் உள்ள வாக்காளர் பதிவு அதிகாரி அலுவலகத்திற்கு சென்று உரிய ஆவணங்களுடன் படிவத்தைச் சமர்ப்பிக்கலாம். குறிப்பு: புதிய வாக்காளர் சேர்க்கைக்கு படிவம் 6-உம், முகவரி மாற்றம்/திருத்தம் செய்ய படிவம் 8-உம் நிரப்ப வேண்டும்.