14 மணி நேர வேலை நாட்களை முன்மொழிந்தது கர்நாடக ஐடி நிறுவனங்கள்: ஊழியர்கள் கடும் எதிர்ப்பு
செய்தி முன்னோட்டம்
கர்நாடகாவில் உள்ள தகவல் தொழில்நுட்ப நிறுவனங்கள், ஊழியர்களின் பணி நேரத்தை 14 மணி நேரமாக நீட்டிக்கக் கோரி மாநில அரசிடம் முன்மொழிவை சமர்ப்பித்ததாக வட்டாரங்கள் தெரிவித்தன.
இந்த நடவடிக்கைக்கு ஊழியர்கள் கடுமையான எதிர்ப்பை தெரிவித்து வருகின்றனர்.
இது மனிதாபிமானமற்றது என்றும், சுகாதார பிரச்சினைகள் ஏற்படக்கூடும் என்றும் அவர்கள் எதிர்ப்பு தெரிவித்து வருகின்றனர்.
தக்வாகளின் படி, கடைகள் மற்றும் வணிக நிறுவனங்கள் சட்டம், 1961ஐ திருத்துவது குறித்து கர்நாடக மாநில அரசு பரிசீலித்து வருகிறது.
பணி நேரத்தை சட்டப்பூர்வமாக 14 மணி நேரமாக (12 மணி நேரம் + 2 மணிநேரம் கூடுதல் நேரம்) நீட்டிக்கும் முன்மொழிவு அந்த திருத்தத்தில் சேர்க்கப்பட வேண்டும் என்று ஐடி நிறுவனங்கள் விரும்புகின்றன.
கர்நாடகா
கர்நாடக அமைச்சரவையில் இது விரைவில் விவாதிக்கப்படும்
தற்போதுள்ள, தொழிலாளர் சட்டங்கள், 12 மணிநேர(10 மணி நேரம் + 2 மணி நேரம் கூடுதல் நேரம்) வேலை நேரத்தை அனுமதிக்கின்றன.
"IT/ITeS/BPO துறையில் உள்ள பணியாளர்கள் ஒரு நாளைக்கு 12 மணிநேரத்திற்கு மேல் வேலை செய்ய வேண்டும் அல்லது வேலை செய்ய அனுமதிக்கப்படலாம். மூன்று தொடர்ச்சியான மாதங்களில் 125 மணிநேரத்திற்கு மிகாமல் அது இருக்க வேண்டும்" என்று IT துறையின் புதிய முன்மொழிவு கூறுகிறது.
இந்த விவகாரம் குறித்து அரசு முதற்கட்ட கூட்டத்தை நடத்தியுள்ளதாகவும், விரைவில் அடுத்தகட்ட முடிவுகள் எடுக்கப்படும் என்றும் தகவல்கள் தெரிவிக்கின்றன.
இந்த திட்டம் விரைவில் கர்நாடக அமைச்சரவையில் விவாதிக்கப்படும் என தெரிகிறது.