46 ஆண்டுகால வாடகையை செலுத்த இந்திய ராணுவத்திற்கு உத்தரவு; ஜம்மு காஷ்மீர் நீதிமன்றம் தீர்ப்பு
ஜம்மு காஷ்மீர் மற்றும் லடாக் உயர் நீதிமன்றம், குப்வாராவின் தங்தார் கிராமத்தில் 1978 ஆம் ஆண்டு முதல் ராணுவ ஆக்கிரமிப்பில் உள்ளதாகக் கூறப்படும் நிலத்தின் உரிமையாளரான அப்துல் மஜீத் லோனுக்கு, நிலுவையில் உள்ள 46 ஆண்டு வாடகையை வழங்குமாறு உத்தரவிட்டுள்ளது. நீதிபதி வாசிம் சாதிக் நர்கல் இந்த தீர்ப்பை வழங்கினார். நவம்பர் 11 அன்று வழங்கப்பட்ட இது தொடர்பான தீர்ப்பில் சொத்துரிமை என்பது அரசியலமைப்பு, சட்டப்பூர்வ மற்றும் மனித உரிமை என்பதை வலியுறுத்துகிறது என நீதிபதி குறிப்பிட்டுள்ளார். முன்னதாக, அப்துல் மஜீத் லோன் தனது நிலத்திற்கு 12 கானல்கள் மற்றும் 14 மார்லாக்களை வாடகைக்கு இழப்பீடு கோரி மனு தாக்கல் செய்திருந்தார்.
இந்திய ராணுவத்தின் மீது வழக்கு
அப்துல் மஜீத் லோன் தாக்கல் செய்த வழக்கில், அரசியலமைப்பு உரிமைகளை மீறி, உரிய நடைமுறைகளை பின்பற்றாமல் அல்லது வாடகை செலுத்தாமல் இந்திய ராணுவம் நிலத்தை கையகப்படுத்தியதாக நீதிமன்றம் கண்டறிந்தது. இராணுவம் ஒருபோதும் நிலத்தை ஆக்கிரமிக்கவில்லை என்ற கோரிக்கையை நிராகரித்த நீதிமன்றம், இந்த வலியுறுத்தலை சட்டத்தில் நீடிக்க முடியாதது என்று தீர்ப்பளித்தது. இதையடுத்து குப்வாரா துணை கமிஷனர், இரண்டு வாரங்களுக்குள் வாடகை இழப்பீடு மதிப்பீடு செய்ய, தாசில்தார் தலைமையில் குழு அமைக்க அறிவுறுத்தப்பட்டுள்ளது. அந்த அறிக்கை சமர்ப்பித்த பிறகு ஒரு மாதத்திற்குள் மதிப்பிடப்பட்ட வாடகையை அப்துல் மஜீத் லோனுக்கு இராணுவம் செலுத்த வேண்டும்.
