மகளை ஜெர்மனியில் இருந்து மீட்டு தரவேண்டும்: இந்திய தம்பதியின் வேண்டுகோள்
செய்தி முன்னோட்டம்
ஜெர்மன் குழந்தை உரிமைகள் காப்பகத்தில் இருந்து தங்கள் குழந்தையை மீட்டு தருமாறு குழந்தையின் பெற்றோர் இந்திய அதிகாரிகளை அணுகியுள்ளனர். அந்த பெற்றோரின் மூன்று வயது மகள் கடந்த ஒன்றரை ஆண்டுகளாக ஜெர்மன் அதிகாரிகளின் காவலில் இருக்கிறார். "செப்டம்பர் 2021இல், எங்கள் மகள் ஜெர்மன் குழந்தை சேவைகளால் அழைத்துச் செல்லப்பட்டார். தற்செயலாக அவளது அந்தரங்க உறுப்பில் காயம் ஏற்பட்டது. நாங்கள் அவளை மருத்துவரிடம் அழைத்துச் சென்றோம். அவள் நலமாக இருப்பதாக டாக்டர்கள் எங்களை திருப்பி அனுப்பினர். ஆனால் மருத்துவர்கள், குழந்தை சேவைகளை அழைத்து, என் மகளின் காவலை அவர்களுக்கு வழங்கினர். அவளுடைய காயத்தின் தன்மை காரணமாக, அவர்கள் பாலியல் துஷ்பிரயோகத்தை சந்தேகிக்கிறார்கள் என்பதை நாங்கள் பின்னர் அறிந்தோம்." என்று குழைந்தையின் தாய் கூறியுள்ளார்.
இந்தியா
பிரதமர் மோடியிடம் வேண்டுகோள்
"தெளிவுபடுத்தும் ஆர்வத்தில், நாங்கள் எங்கள் டிஎன்ஏ மாதிரிகளைக் கூட கொடுத்தோம். டிஎன்ஏ சோதனை, போலீஸ் விசாரணை மற்றும் மருத்துவ அறிக்கைகளுக்குப் பிறகு, பாலியல் துஷ்பிரயோகம் தொடர்பான வழக்கு பிப்ரவரி 2022இல் முடிக்கப்பட்டது. மேலும் டிசம்பர் 2021இல், அதே மருத்துவமனையைச் சேர்ந்த நிபுணர் ஒருவர் பாலியல் துஷ்பிரயோகம் குறித்த சந்தேகத்தை நிராகரித்தார்." என்று மேலும் அவர் கூறியுள்ளார். அதன் பிறகும் பல மாதங்களாக ஜெர்மன் அதிகாரிகள் குழந்தையின் நலனுக்காக என்று கூறி குழந்தையை இன்னும் பெற்றோரிடம் ஒப்படைக்காமல் இருக்கின்றனர். "எங்களுக்கு நியாயமான விசாரணை கிடைக்காததால், குழந்தையை இந்தியாவுக்கு அழைத்து வர விரும்புகிறோம். குழந்தையை இந்தியாவுக்கு அழைத்து வர உதவுமாறு பிரதமர் மோடி மற்றும் வெளியுறவுத்துறை அமைச்சர் ஜெய்சங்கரிடம் கேட்டுக்கொள்கிறோம்." என்று அந்த பெற்றோர் கூறியுள்ளனர்.