சென்னையில் தயாரிக்கப்பட்ட கண் மருந்துகளால் அமெரிக்காவில் சர்ச்சை
செய்தி முன்னோட்டம்
சென்னையைச் சேர்ந்த குளோபல் பார்மா ஹெல்த்கேர் நிறுவனம் அமெரிக்க சந்தைகளில் இருந்து கண் மருந்துகளைத் திரும்ப பெற்றுள்ளது. இந்த கண் மருந்துகளால் நிரந்தர பார்வை இழப்பு ஏற்பட்டதாக, நோய் கட்டுப்பாடு மற்றும் தடுப்புக்கான அமெரிக்க மையங்கள்(CDC) குற்றம்சாட்டியதை அடுத்து இந்த நடவடிக்கை எடுக்கப்பட்டுள்ளது.
சென்னையை சேர்ந்த குளோபல் பார்மா ஹெல்த்கேர் தயாரித்த EzriCare என்ற கண் சொட்டு மருந்துகளின் திறக்கப்படாத பாட்டில்களை அமெரிக்க நோய் கட்டுப்பாடு மற்றும் தடுப்பு மையம் (CDC) பரிசோதித்து வருகிறது.
அதே நேரத்தில், அமெரிக்க உணவு மற்றும் மருந்து நிர்வாகம்(FDA), குளோபல் பார்மாவின் மருந்துகள் இறக்குமதியை கட்டுப்படுத்த நடவடிக்கை எடுக்கப்பட்டுள்ளதாக தெரிவித்துள்ளது.
அமெரிக்கா
இந்திய இருமல் மருந்துகளை அடுத்து இந்திய கண் மருந்துகளால் சர்ச்சை
"EzriCare செயற்கைக் கண்ணீர் மற்றும் டெல்சம் பார்மாவின் செயற்கைக் கண்ணீர் சொட்டு மருந்துகள் பாக்டீரியாவால் மாசடைந்திருக்க வாய்ப்பிருக்கிறது எனபதால் இந்த மருந்துகளை வாங்க வேண்டாம் என்று FDA நுகர்வோரையும் சுகாதாரப் பயிற்சியாளர்களையும் எச்சரிக்கிறது. அசுத்தமான செயற்கைக் கண்ணீரைப் பயன்படுத்துவது கண் நோய்த்தொற்றுகளின் அபாயத்தை அதிகரிக்கும். இதனால், நிரந்தர பார்வை இழப்பு அல்லது மரணம் கூட ஏற்படலாம்." என்று FDA தெரிவித்துள்ளது.
இதனையடுத்து, குளோபல் பார்மா, அமெரிக்க சந்தைகளில் இருக்கும் அதன் கண் மருந்துகளை தானாக முன் வந்து திரும்ப பெற்றுக்கொள்வதாக அறிவித்துள்ளது.
இந்த மருந்துகளால், இதுவரை அமெரிக்காவில் 55 பேர் பாதிக்கப்பட்டுள்ளனர் என்றும் 11 பேர் பார்வை இழந்துள்ளனர் என்றும் 1 உயிரிழப்பு ஏற்பட்டிருப்பதாகவும் CDC தெரிவித்துள்ளது.