இந்திய ராணுவத்தில் 2023 சீருடை மாற்றம் வாபஸ்: உயர் அதிகாரிகளுக்கு மீண்டும் ரெஜிமென்ட் அடையாளச் சின்னங்கள் அமல்
செய்தி முன்னோட்டம்
இந்திய ராணுவத்தில் பிரிகேடியர் மற்றும் அதற்கு மேற்பட்ட உயர் பதவிகளில் உள்ள அதிகாரிகளுக்கான பொதுவான சீருடை விதியை திரும்பப் பெற ராணுவத் தலைமை முடிவு செய்துள்ளது. இதன் மூலம், 2023-ஆம் ஆண்டு கொண்டுவரப்பட்ட சீருடை மாற்றம் ரத்து செய்யப்பட்டு, அதிகாரிகள் தங்களது தாய் ரெஜிமென்ட் அடையாளச் சின்னங்களை மீண்டும் அணிய அனுமதிக்கப்பட்டுள்ளனர். நவம்பர் 13-ஆம் தேதி வெளியிடப்பட்டுள்ள ராணுவத்தின் உள் சுற்றறிக்கையின்படி, இந்தப் பழைய நடைமுறை வரும் டிசம்பர் 1-ஆம் தேதி முதல் மீண்டும் அமலுக்கு வருகிறது.
வாபஸ்
2023-ல் கொண்டுவரப்பட்ட மாற்றமும், தற்போதைய வாபஸ் முடிவும்
மூத்த தலைமைத்துவத்திற்கு இடையே சீரான தன்மையை உருவாக்கும் நோக்கில், 2023-இல் சீருடை விதிகளில் முக்கிய மாற்றங்கள் கொண்டுவரப்பட்டன.
பிரிகேடியர், மேஜர் ஜெனரல், லெப்டினன்ட் ஜெனரல் மற்றும் ராணுவத் தளபதி ஆகியோர் தங்களது குறிப்பிட்ட படைப்பிரிவு சார்ந்த சின்னங்கள் மற்றும் தோள்பட்டை கயிறுகளை அணியத் தடை விதிக்கப்பட்டது.
அதற்குப் பதிலாக அனைவருக்கும் அடர் பச்சை நிறத் தொப்பி, ஒரே மாதிரியான பெல்ட் மற்றும் கருப்பு நிற ஷூக்கள் கட்டாயமாக்கப்பட்டன.
அதிகாரிகள் மத்தியில் இருந்து பெறப்பட்ட கருத்துக்களின் அடிப்படையில், சீருடை விதிகள் குறித்து விரிவான மறுஆய்வு மேற்கொள்ளப்பட்டது.
அதன்படி, 'ஆர்மி யூனிஃபார்ம்ஸ் பாம்ப்லெட்-2018' விதிகள் டிசம்பர் 1 முதல் மீண்டும் பின்பற்றப்படும் என அறிவிக்கப்பட்டுள்ளது.