இந்தியாவிலேயே முதன்முறையாக தமிழ்நாட்டில் ட்ரோன் சோதனை மையம்
செய்தி முன்னோட்டம்
சென்னை அடுத்த ஸ்ரீபெரும்புதூரில் இந்தியாவின் முதல் ட்ரோன் சோதனை மையம் விரைவில் அமைக்கப்படவுள்ளதாக தொழிற்துறை அமைச்சர் டி.ஆர்.பி.ராஜா தெரிவித்துள்ளார்.
இது குறித்து அவர் நேற்று(ஆகஸ்ட்.,17) பேசியதாவது, தமிழகத்தில் ட்ரோன் தயாரிக்கும் நிறுவனங்கள் பேட்டரி, மோட்டோர்கள் போன்ற உதிரி பாகங்களை வெவ்வேறு பரிசோதனை மையங்களில் வைத்து சோதனை செய்து வருகின்றனர்.
இதனால் சோதனை செய்யும் காலம் அதிகரிப்பதோடு, இதற்கான செலவும் அதிகமாகிறது என்று கூறியுள்ளார்.
தொடர்ந்து பேசிய அவர், இது போன்ற இடையூறுகள் ஏற்படும் காரணத்தினால் தற்போது மத்திய அரசின் உட்கட்டமைப்பு சோதனை திட்டத்தின் கீழ் இந்தியாவின் முதல் ஒருங்கிணைந்த ட்ரோன் பரிசோதனை மையத்தினை அமைக்க தமிழ்நாடு தொழில் வளர்ச்சி கழகம்(TIDCO) திட்டமிட்டுள்ளது என்று கூறியுள்ளார்.
சோதனை
சிப்காட் தொழில் பூங்காவில் சுமார் 2.3 ஏக்கர் பரப்பளவில் அமையவுள்ளது
அதன்படி இதனை மத்திய அரசின் மானியம் கொண்டு செயல்படுத்த டிட்கோ நிறுவனம் ஒப்பந்தப்புள்ளிகளை கோரியுள்ளது.
இதனை தொடர்ந்து டிட்கோ'வுடன் இணைந்து அவீஷா ரீடெய்லர்ஸ், சென்ஸ் இமேஜ், கெல்டிரான், ஸ்டேண்ட்ரட் டெஸ்டிங் அண்ட் காம்ப்ளையன்ஸ் உள்ளிட்ட 4 நிறுவனங்கள் ரூ.45 கோடி செலவில் இந்த ட்ரோன் சோதனை மையத்தினை அமைக்க முடிவு செய்துள்ளனர்.
இந்த சோதனை மையமானது ஸ்ரீபெரம்பத்தூர் அருகேயுள்ள வல்லம் வடக்காலில் உள்ள சிப்காட் தொழில் பூங்காவில் சுமார் 2.3 ஏக்கர் பரப்பளவில் அமையவுள்ளது என்று கூறப்படுகிறது.
மேலும் ட்ரோனின் ஆராய்ச்சி, மேம்பாடு, வடிவமைப்பு, சோதனைகள் மற்றும் உற்பத்திக்கு தேவையான அனைத்து வசதிகளும் ஒரே இடத்திலேயே சர்வதேச தரத்தில் அமையவுள்ள இந்த சோதனை மையம் மூலம் பெறலாம் என்று தகவல்கள் தெரிவிக்கிறது.