மின்சாதன ஏற்றுமதியில் புதிய மைல்கல்லை எட்டிய இந்தியா
செய்தி முன்னோட்டம்
மார்ச் மாதம் நிறைவடைந்த கடந்த நிதியாண்டில் ரூ.1,85,000 கோடி மதிப்புடைய மின்சாதன பொருட்களை ஏற்றுமதி செய்திருக்கிறது இந்தியா. இது அதற்கு முந்தைய நிதியாண்டை விட 56% அதிகம் என்பது குறிப்பிடத்தக்கது. இந்திய மின்சாதன துறை ஏற்றுமதியில் ஒரு புதிய மைல்கல்லைக் எட்டியிருக்கிறது. மின்சாதன ஏற்றுமதியில் மொபைல் போனின் பங்கு மட்டும் 46% ஆகும். மேலும், இந்திய மின்சாதன ஏற்றுமதி வரலாற்றில் முதல் முறையாக 10 பில்லியன் டாலர் மதிப்பு அளவிற்கு மொபைல் போன்கள் ஏற்றுமதி செய்யப்பட்டிருக்கின்றன. கடந்த நிதியாண்டில் கிட்டத்தட்ட 11.2 பில்லியன் டாலர்கள் மதிப்புற்கு (90,000 கோடி ரூபாய்) மொபைல் போன்கள் இந்தியாவில் இருந்து வெளிநாடுகளுக்கு ஏற்றுமதி செய்யப்பட்டிருக்கின்றன.
இந்தியா
புதிய மைல்கல்:
இதற்கு முந்தைய நிதியாண்டில் 45,000 கோடி ரூபாய் அளவிற்கு மட்டுமே மொபைல் போன் ஏற்றுமதி செய்யப்பட்டிருந்தது. கடந்த நிதியாண்டில் இது 75,000 கோடியாக உயரும் என கணக்கிடப்படிருந்த நிலையில், 90,000 கோடி ரூபாய் அளவிற்கு ஏற்றுமதி செய்யப்பட்டிருக்கிறது. இந்த ஏற்றுமதியில் ஆப்பிள் சாதனங்களே 50 சதவீத்தைப் பிடித்திருக்கின்றன. 45,000 கோடி ரூபாய் மதிப்புள்ள ஆப்பிள் போன்களும், 36,000 கோடி ரூபாய் மதிப்புள்ள சாம்சங் போன்கள் இந்தியாவில் இருந்து ஏற்றுமதி செய்யப்பட்டிருக்கின்றன. இந்தியாவில் இருந்து ஐக்கிய அரபு அமீரகம், அமெரிக்கா, நெதர்லாந்து, இங்கிலாந்து மற்றும் இத்தாலி ஆகிய நாடுகளுக்கு அதிகளவில் எலெக்ட்ரானிக் சாதனங்கள் ஏற்றுமதி செய்யப்படுகின்றன.