மக்கள் தொகை கணக்கெடுப்புக்குத் தயாரா? அதிகாரிகள் கேட்கப்போகும் அந்த 33 கேள்விகள்! முழு விவரம் இதோ!

எழுதியவர் Sekar Chinnappan

Jan 23, 2026

02:06 pm

செய்தி முன்னோட்டம்

இந்திய அரசின் உள்துறை அமைச்சகம், 2027 ஆம் ஆண்டிற்கான மக்கள் தொகை கணக்கெடுப்பின் முதல் கட்டத்தை முறைப்படி அறிவித்துள்ளது. இது வீடு பட்டியல் மற்றும் வீட்டு வசதி கணக்கெடுப்பு என்று அழைக்கப்படுகிறது. இந்தத் தகவல்கள் அனைத்தும் ரகசியமாக வைக்கப்படும் என்றும், அரசின் திட்டங்களைத் திட்டமிட மட்டுமே பயன்படுத்தப்படும் என்றும் அதிகாரிகள் தெரிவித்துள்ளனர்.

கட்டமைப்பு

வீட்டின் விவரங்கள் மற்றும் கட்டமைப்பு

முதலில், கணக்கெடுப்பு அதிகாரிகள் வீட்டின் அடையாளம் மற்றும் அதன் தரம் குறித்து பின்வரும் கேள்விகளைக் கேட்பார்கள்: 1. கட்டிட எண் 2. சென்சஸ் வீட்டு எண் 3. வீட்டின் தரை எந்தப் பொருளால் ஆனது? 4. சுவர்கள் எதனால் கட்டப்பட்டவை? 5. மேற்கூரை எந்தப் பொருளால் ஆனது? 6. வீடு தற்போது எதற்காகப் பயன்படுத்தப்படுகிறது? (குடியிருப்பு, வணிகம் போன்றவை) 7. வீட்டின் தற்போதைய நிலை எப்படி உள்ளது?

விவரங்கள்

குடும்ப உறுப்பினர்கள் மற்றும் சமூக விவரங்கள்

வீடு குறித்த விவரங்களுக்குப் பிறகு, அங்கு வசிப்பவர்கள் குறித்த தகவல்கள் சேகரிக்கப்படும்: 8. குடும்ப எண் 9. வீட்டில் பொதுவாக வசிக்கும் நபர்களின் எண்ணிக்கை 10. குடும்பத் தலைவரின் பெயர் 11. குடும்பத் தலைவரின் பாலினம் 12. குடும்பத் தலைவர் எஸ்சி, எஸ்டி அல்லது இதர பிரிவைச் சேர்ந்தவரா?

வசதிகள்

வீட்டு வசதிகள் மற்றும் குடிநீர் ஆதாரம்

வாழ்க்கைத் தரத்தை மதிப்பிடுவதற்கான முக்கியக் கேள்விகள்: 13. வீட்டின் உரிமை நிலை (சொந்த வீடா அல்லது வாடகை வீடா?) 14. குடும்பத்தினர் பயன்படுத்தும் பிரத்யேக அறைகளின் எண்ணிக்கை 15. வீட்டில் வசிக்கும் திருமணமான தம்பதிகளின் எண்ணிக்கை 16. குடிநீரின் முக்கிய ஆதாரம் 17. குடிநீர் வசதி எங்கு கிடைக்கிறது? (வீட்டிற்குள்ளேவா அல்லது வெளியிலா?) 18. வெளிச்சத்திற்கான முக்கிய ஆதாரம் (மின்சாரம் போன்றவை) 19. கழிப்பறை வசதி உள்ளதா? 20. எந்த வகை கழிப்பறை? 21. கழிவுநீர் வெளியேற்றும் முறை 22. குளியலறை வசதி உள்ளதா? 23. சமையலறை மற்றும் எல்பிஜி இணைப்பு வசதி 24. சமையலுக்குப் பயன்படுத்தப்படும் முக்கிய எரிபொருள்

சொத்துக்கள்

சொத்துக்கள் மற்றும் தகவல் தொடர்பு விவரங்கள்

இறுதியாக, குடும்பத்தின் பொருளாதார நிலை குறித்த விவரங்கள் கேட்கப்படும்: 25. ரேடியோ அல்லது டிரான்சிஸ்டர் வசதி 26. தொலைக்காட்சி வசதி 27. இணையதள வசதி 28. லேப்டாப் அல்லது கம்ப்யூட்டர் வசதி 29. டெலிபோன் அல்லது ஸ்மார்ட்போன் வசதி 30. சைக்கிள், ஸ்கூட்டர் அல்லது பைக் வசதி 31. கார், ஜீப் அல்லது வேன் வசதி 32. குடும்பத்தில் உண்ணப்படும் முக்கியத் தானியம் 33. மொபைல் எண் (கணக்கெடுப்புத் தொடர்புக்காக மட்டும்) இந்தக் கணக்கெடுப்பு அரசின் எதிர்கால நலத்திட்டங்களை வகுக்க மிகவும் உதவியாக இருக்கும். கணக்கெடுப்பு அதிகாரிகளுக்குச் சரியான தகவல்களை வழங்கி ஒத்துழைப்பு அளிப்பது நமது கடமையாகும்.