அரசு பள்ளிகள் நம் பெருமையின் அடையாளம்; அமைச்சர் அன்பில் மகேஷ் குழுவுக்கு முதல்வர் ஸ்டாலின் வாழ்த்து
செய்தி முன்னோட்டம்
தமிழக முதல்வர் மு.க.ஸ்டாலின் அரசு பள்ளிகளில் ஸ்மார்ட் வகுப்பறைத் திட்டத்தின் வெற்றிக்காக அமைச்சர் அன்பில் மகேஷ் பொய்யாமொழி குழுவினருக்கு வாழ்த்து தெரிவித்துள்ளார்.
அரசுப் பள்ளிகளில் ஸ்மார்ட் வகுப்பறைகள் அமைக்க மு.க.ஸ்டாலின் கடந்த ஆண்டு உத்தரவு பிறப்பித்தார். இம்முயற்சி இப்போது வேகமான வேகத்தில் முன்னேறி வருகிறது.
இந்நிலையில், சென்னை ஒக்கியம் துரைப்பாக்கத்தில் உள்ள அரசுப் பள்ளியில் ஸ்மார்ட் வகுப்பறைத் திட்டம் வெற்றிகரமாக நிறைவடைந்துள்ளது.
இதையடுத்து இத்திட்டத்தை நிறைவேற்ற உழைத்த பள்ளிக் கல்வித்துறை அமைச்சர் மற்றும் சம்பந்தப்பட்ட குழுவினருக்கு முதல்வர் ஸ்டாலின் வாழ்த்து தெரிவித்து எக்ஸ் தளத்தில் பதிவிட்டுள்ளார்.
பாராட்டு
எக்ஸ் பதிவு அறிக்கை
இதுகுறித்து எக்ஸ் தளத்தில் முதல்வர் மு.க.ஸ்டாலின் வெளியிட்டுள்ள அறிக்கையில், "தமிழ்நாடு முழுவதும் அரசு தொடக்கப் பள்ளிகளில் 22,931 ஸ்மார்ட் கிளாஸ் ரூம் அமைக்கும் பணியைக் கடந்த ஆண்டு ஜூன் மாதம் தொடங்கி வைத்தேன்.
அந்தப் பணி, இன்று சென்னை ஒக்கியம் துரைப்பாக்கம் அரசுப் பள்ளியில் நிறைவுபெற்றிருப்பதைத் தம்பி அன்பில் மகேஷ் அவர்கள் தொலைபேசியில் என்னிடம் தெரிவித்தார்.
நவீனமயமான தொடக்கப் பள்ளிகள், நாட்டின் முதன்மையான உயர்கல்வி நிறுவனங்களில் நம் மாணவர்கள் இடம்பெற உதவும் மாடல் ஸ்கூல்ஸ் எனப் பள்ளிக்கல்வித்துறை படைத்து வரும் சாதனைகளால் மகிழ்கிறேன்!
அரசுப் பள்ளிகள் நம் பெருமையின் அடையாளம் என உரக்கச் சொல்வோம்!" எனக் குறிப்பிட்டுள்ளார்.
ட்விட்டர் அஞ்சல்
முதல்வர் ஸ்டாலினின் எக்ஸ் பதிவு
தமிழ்நாடு முழுவதும் அரசு தொடக்கப் பள்ளிகளில் 22,931 #SmartClassroom அமைக்கும் பணியைக் கடந்த ஆண்டு ஜூன் மாதம் தொடங்கி வைத்தேன்.
— M.K.Stalin (@mkstalin) January 27, 2025
அந்தப் பணி, இன்று சென்னை ஒக்கியம் துரைப்பாக்கம் அரசுப் பள்ளியில் நிறைவுபெற்றிருப்பதைத் தம்பி @Anbil_Mahesh அவர்கள் தொலைபேசியில் என்னிடம் தெரிவித்தார்.… https://t.co/6XCsPiQpLP pic.twitter.com/M3gatBwjHa