திருவேடகத்தில், திருஞானசம்பந்தர் பாடல் எழுதப்பட்ட தங்க ஏடு கண்டுபிடிப்பு
செய்தி முன்னோட்டம்
திருவேடகத்தில் பிரபலமான ஏடகநாதர் என்ற சிவன் கோவிலில், தமிழக அரசால் நியமிக்கப்பட்ட திருக்கோயில் ஓலைச்சுவடிகள் பாதுகாப்பு, பராமரிப்பு நூலாக்கத் திட்டப் பணிக் குழுவினர், திருஞானசம்பந்தர் பாடல் எழுதப்பட்ட தங்க ஏடுகளை கண்டுபிடித்துள்ளனர்.
அதோடு அந்த ஏட்டில், கோவிலின் வரவு செலவு கணக்கும் பதியப்பட்டுள்ளதாக குழுவின் தலைவர் குறிப்பிட்டுள்ளார்.
இது போல, பண்டைய கோவிலில், தங்க ஏடுகள் கண்டுபிடிக்கப்படுவதும், அதில், சிவன் பாடலும், கோவிலின் கணக்குகளும் பதியப்பட்டிருப்பது, தமிழகத்தில் இதுவே முதல் முறை எனக்கூறுகிறார்கள்.
தமிழகம் முழுவதும், இந்துசமய அறநிலையத்துறைக்கு உட்பட்ட பண்டைய கோவில்களில், திருக்கோயில்கள், மடங்களின் ஓலைச் சுவடிகள் பாதுகாப்புபராமரிப்பு நூலாக்கத் திட்டம் அமல்படுத்தப்பட்டுள்ளது என்பது குறிப்பிடத்தக்கது.
card2
திருவேடக ஏடுகள் குறித்து ஆராய்ச்சி ஒருங்கிணைப்பாளர் கூறியது:
இந்த தங்க ஏடு கண்டுபிடிக்கப்பட்டது குறித்து நூலாக்கத் திட்டத்தின் ஒருங்கிணைப்பாளரும், உலகத் தமிழாராய்ச்சி நிறுவனத்தின் பேராசிரியருமான சு.தாமரைப்பாண்டியன், "45 ஆயிரத்துக்கும் மேலான கோயில்களில் ஓலைச்சுவடிகள், செப்புப் பட்டயங்கள் குறித்து கள ஆய்வு செய்து வருகிறோம். இதுவரை 200-க்கும் அதிகமான கோயில்களில் கள ஆய்வு செய்துள்ளோம்" எனக்கூறினார்.
மேலும், திருவேடத்தில் கிடைக்கப்பட்ட ஏடுகள் குறித்து பேசும்போது, "கோயில் தல புராணப்படி திருஞானசம்பந்தர் 'வாழ்க அந்தணர்' எனும் பதிகம் எழுதி, வைகை நதியிலிட்டதன் நினைவாக அப்பாடலைத் தங்க ஏட்டில் எழுதி பாதுகாத்து வருகின்றனர் என்பதை அறிய முடிகிறது. எழுதப்பட்ட காலம் பற்றிய குறிப்பு இல்லை. எழுத்தமைதி மூலம் 100 ஆண்டுகளுக்கு முன்பு எழுதியதாக இருக்கலாம்" என்றார்.