கர்நாடகாவின் ராமநகர மாவட்டத்தை 'பெங்களூரு தெற்கு' என்று பெயர் மாற்ற திட்டம்: துணை முதல்வர் டி.கே.சிவகுமார்
செய்தி முன்னோட்டம்
ஏற்கனவே கனகபுரா, பெங்களூருவின் ஒரு பகுதியாக இருக்கும் என்று சர்ச்சையை கிளப்பிய கர்நாடக துணை முதல்வர் டி.கே.சிவக்குமார், தற்போது ராமநகரா மாவட்டம் முழுவதும் பெங்களூரு தெற்கு என பெயர் மாற்றம் செய்யப்படும் என்று கூறியிருக்கிறார்.
நேற்று (அக்டோபர் 25 ) இரவு, டி.கே.சிவக்குமார், தனது சமூக வலைதளமான 'எக்ஸ்'-ல், "சன்னபட்னா, ராமநகரா, கனகபுரா, மாகடி மற்றும் ஹரோஹல்லி தாலுகாக்களை உள்ளடக்கிய ராமநகரா மாவட்டத்தை பெங்களூரு தட்சிணா மாவட்டம் என்று பெயர் மாற்றம் செய்ய ஆலோசிக்கப்பட்டுள்ளது" என்று பதிவிட்டார்.
சிவகுமாரின் இந்த கருத்திற்கு, எதிர்க்கட்சிகள், குறிப்பாக தற்போது மாநில ஜேடிஎஸ் தலைவராக இருக்கும் முன்னாள் முதல்வர் எச்டி குமாரசாமி கடுமையாக எதிர்ப்பு தெரிவித்துள்ளார் .
card 2
சர்ச்சையை ஈர்க்கும் சிவகுமாரின் பதிவு
ராமநகரா மாவட்டம் முழுவதும் பெங்களூரு எல்லைக்கு சொந்தமானது என்றும், அதன் நான்கு தாலுகாக்களில் வசிப்பவர்கள் "பெங்களூரியர்கள்" என்றும் சிவகுமார் மேலும் கூறினார்.
சிவகுமாரின் இந்த பதிவை கடுமையாக சாடிய, ராமநகரா சட்டமன்றத் தொகுதியின் சட்டமன்ற உறுப்பினரும், முன்னாள் முதலமைச்சருமான குமாரசாமி, "ஏழு பிறவி எடுத்தாலும் ராமநகரா மாவட்டத்தைப் பிரிக்க முடியாது" என்று கூறினார்.
தொடர்ந்து, இது "சட்டவிரோத" மற்றும் "பினாமி" சொத்துக்களை முறைப்படுத்துவதற்கான நடவடிக்கை என்று குமாரசாமி குற்றம் சாட்டினார்.
இதற்கிடையில், முதல்வர் சித்தராமையா செய்தியாளர்களிடம் கூறுகையில், இந்த விவகாரம் குறித்து துணை முதல்வர் தன்னிடம் இன்னும் விவாதிக்கவில்லை என்றும், அவர் என்னுடன் விவாதிக்காததால், அவர் மனதில் என்ன இருக்கிறது என்று தெரியவில்லை என்றும் கூறியது குறிப்பிடத்தக்கது.