4 நாட்களாக அமைச்சர் செந்தில் பாலாஜியிடம் தொடரும் அமலாக்கத்துறையினரின் விசாரணை
செய்தி முன்னோட்டம்
சட்ட விரோத பண பரிமாற்ற வழக்கில், அமலாக்கத்துறையினாரால் கைது செய்யப்பட்டு, புழல் சிறையில் அடைக்கப்பட்டுள்ள அமைச்சர் செந்தில் பாலாஜியை, 5 நாள் காவலில் எடுத்து விசாரிக்க அமலாக்கத்துறைக்கு, உச்ச நீதிமன்றம் அனுமதி அளித்தது.
அதனை தொடர்ந்து, கடந்த 7-ஆம் தேதி முதல், அமலாக்கத்துறை அதிகாரிகள் அவரை காவலில் வைத்து விசாரித்து வருகின்றனர். சென்னையிலுள்ள உள்ள சாஸ்திரி பவனில் விசாரணை நடைபெற்று வருகிறது.
அமலாக்கத்துறை அதிகாரிகள், அவரிடம் கேட்பதற்க்கென, 400 கேள்விகள் தயார் செய்து வைத்துள்ளதாக செய்திகள் தெரிவிக்கின்றன.
இந்த கேள்விகள் அனைத்திற்குமே எழுத்துபூர்வமாக செந்தில் பாலாஜியிடம் பதில் பெறப்பட்டு வருகிறது.
card 2
சுழற்சி முறையில் 3 அதிகாரிகள் விசாரணை
கடந்த திங்கட்கிழமை மாலை தொடங்கிய விசாரணை, இன்று வரை தொடர்கிறது. சுழற்சி முறையில், 3 அமலாக்கத்துறை அதிகாரிகள், செந்தில் பாலாஜியிடம் விசாரித்து வருகின்றனர்.
செந்தில் பாலாஜியின், வங்கி கணக்கு ஸ்டேட்மென்ட் துணையுடன் விசாரணை நடைபெறுவதாக செய்திகள் தெரிவிக்கின்றன.
மேலும், இந்த விசாரணை அனைத்துமே வீடியோ கேமராவில் பதிவு செய்யப்படுவதாகவும் கூறப்படுகிறது.
400 கேள்விகளில் இது வரை 250 கேள்விகளுக்கு செந்தில் பாலாஜி பதிலளித்து உள்ளார். மருத்துவர்கள் துணையுடன், அவர்கள் அறிவுறுத்தல்படி, உணவும், மருந்தும், ஓய்வெடுக்க நேரமும் தரப்படுவதாகவும் கூறப்பட்டுள்ளது.
இதனிடையே, செந்தில் பாலாஜியின் தம்பியின் வங்கி கணக்குகளும் முடக்கப்பட்டுள்ளதாக செய்திகள் கூறுகின்றன.
மேலும், செந்தில் பாலாஜியின் தம்பி, அசோக்குமாரின் மனைவி நிர்மலாவிற்கு, ஆவணங்களுடன் நேரில் ஆஜராக வேண்டும் என்று அமலாக்கத்துறை சம்மன் அனுப்பியுள்ளது.