கோவை விழாவை முன்னிட்டு டபுள் டக்கர் பேருந்து சேவை துவக்கம்
செய்தி முன்னோட்டம்
கோவை மாவட்டத்தினை சிறப்பிக்கும் விதமாக ஒவ்வொரு ஆண்டும் 'கோவை விழா' நடத்தப்பட்டு வருகிறது.
அதன்படி, வரும் 2024ம் ஆண்டு ஜனவரி மாதம் 2ம் தேதி துவங்கும் இந்த விழா ஜனவரி 8ம் தேதி வரை நடக்கும் என்று அறிவிக்கப்பட்டுள்ளது.
இந்நிலையில் இந்த விழாவின் 10ம் பதிப்பின் பொழுது, டபுள் டக்கர் பேருந்து சேவையானது முதன்முதலாக இயக்கப்பட்டுள்ளது.
இதற்கு மக்கள் மத்தியில் நல்ல வரவேற்பு பெற்றதையடுத்து, ஆண்டுதோறும் இவ்விழாவின் முக்கிய பங்காக இந்த சிறப்பு பேருந்து சேவை வழங்கப்பட்டு வருகிறது.
இவ்விழாவின் முக்கிய பகுதியாக கோவை முழுவதும் சுற்றிப்பார்க்கும் வகையில், நேற்று(டிச.,24) கோவை வ.உ.சி. நகர் அருகேயுள்ள பூங்கா ஒன்றில் இந்த டபுள் டக்கர் பேருந்து சேவையின் துவக்க விழா நடைப்பெற்றது.
விழா
இணையத்தளம் வாயிலாக முன்பதிவு செய்து கொள்ளலாம் என தகவல்
இதில் மாநகர காவல் ஆணையர் பாலகிருஷ்ணன், அம்மாவட்ட ஆட்சியர் கிராந்தி குமார் உள்பட பலர் கலந்து கொண்டு இந்த பேருந்து சேவையினை துவக்கி வைத்துள்ளனர்.
இந்த சிறப்பு பேருந்தில் பயணிக்க ஆர்வமுள்ள மக்கள், bit.ly/doubletakkar என்னும் இணையத்தளம் வாயிலாக முன்பதிவு செய்து கொள்ளலாம் என்றும் அறிவிக்கப்பட்டுள்ளது.
இந்தாண்டு 2 சிறப்பு பேருந்துகள் இயக்கப்படவுள்ள நிலையில், 6 வழித்தடங்களில் இயங்கும் என்றும்,
ஒரு பேருந்தில் 36 இருக்கைகள் அமைக்கப்பட்டுள்ளது என்றும் தகவல்கள் தெரிவிக்கிறது.
காலை 10 மணி முதல் இரவு 8 மணிவரை இப்பேருந்துகள் இயக்கப்படும் என்றும்,
ஒவ்வொரு பயணமும் போக்குவரத்து நெரிசலை பொருட்டு 30-45 நிமிடங்கள் வரை இருக்கும் என்றும் கோவை விழா குழுவினர் சார்பில் தெரிவிக்கப்பட்டுள்ளது.
ட்விட்டர் அஞ்சல்
டபுள் டக்கர் பேருந்து சேவை
#NEWSUPDATE | கோவை விழா - மீண்டும் டபுள் டக்கர் பேருந்து சேவை#CoimbatoreVizha2024 | #Kovai | #DoubleDeckerBus pic.twitter.com/KXeQPA1bq8
— PuthiyathalaimuraiTV (@PTTVOnlineNews) December 25, 2023