தீபாவளி 2023: பட்டாசுகளை விற்கவும் வாங்கவும் தடை விதித்தது டெல்லி அரசு
இந்த தீபாவளிக்கு அனைத்து வகையான பட்டாசுகளின் உற்பத்தி, விற்பனை, சேமிப்பு மற்றும் பயன்பாடு ஆகியவற்றுக்கு மீண்டும் தடை விதிப்பதாக டெல்லி அரசு அறிவித்துள்ளது. குளிர்காலத்தில் மாசு அளவைக் கட்டுப்படுத்தும் நோக்கத்தோடு இந்த நடவடிக்கை எடுக்கப்பட்டுள்ளதாக சுற்றுச்சூழல் அமைச்சர் கோபால் ராய் இன்று தெரிவித்தார். அதிக காற்று மாசு உள்ள நகரங்களின் பட்டியலில் உலக அளவில் டெல்லி நான்காவது இடத்தில் உள்ளது என்பது குறிப்பிடத்தக்கது. அதுவும், டெல்லியில் குளிர்காலங்களில் மிக குறைவான வெப்ப நிலை இருக்கும். அதனால், டெல்லியில் குளிர்காலங்களில் காற்று மாசு மற்றும் சுற்றுசூழல் பிரச்சனைகளால் உயிரிழப்பவர்கள் அதிகம். இது போன்ற பிரச்சனைகளை கையாழ்வதற்காகவே டெல்லி அரசு இந்த நடிவடிக்கையை எடுத்துள்ளதாக தெரிவியதுள்ளது.
'டெல்லி காற்றின் தரம் மேம்பட்டுள்ளது': அமைச்சர் ராய்
இதனையடுத்து, இன்று செய்தியாளர் கூட்டத்தில் பேசிய அமைச்சர் கோபால் ராய், நகரம் முழுவதும் தடையை அமல்படுத்த டெல்லி காவல்துறைக்கு கடுமையான அறிவுறுத்தல்கள் வழங்கப்படும் என்று கூறினார். டெல்லி அரசு கடந்த மூன்று ஆண்டுகளாக தீபாவளிக்கு பட்டாசுகளை தடை செய்யும் நடைமுறையை கடைபிடித்து வருகிறது. கடந்த சில ஆண்டுகளாக டெல்லியின் காற்றின் தரம் கணிசமாக மேம்பட்டுள்ளது என்றும் அமைச்சர் ராய் குறிப்பிட்டார். "கடந்த ஐந்து-ஆறு ஆண்டுகளில் டெல்லியின் காற்றின் தரத்தில் கணிசமான முன்னேற்றம் கண்டுள்ளோம். ஆனால் அதை மேலும் மேம்படுத்த வேண்டும். எனவே, இந்த ஆண்டும் பட்டாசுகளை தடை செய்ய முடிவு செய்துள்ளோம்." என்று அமைச்சர் ராய் கூறினார். மேலும், பட்டாசு உரிமம் வழங்குவதைத் தவிர்க்குமாறு என்சிஆர் மாநிலங்களின் அதிகாரிகளுக்கு அவர் வேண்டுகோள் விடுத்தார்.
இந்த காலவரிசையைப் பகிரவும்