தென் கிழக்கு வங்கக்கடலில் வலுப்பெற்ற 'மோக்கா' புயல்
தென்கிழக்கு வங்கக்கடலில் நிலைக்கொண்டிருந்த ஆழ்ந்த காற்றழுத்த தாழ்வு மண்டலம் தற்போது புயலாக வலுப்பெற்றுள்ளது என்று வானிலை அறிக்கை தெரிவித்துள்ளது. வடக்கு-வடமேற்கு திசையில் இது இன்று(மே.,11) இரவு தீவிர புயலாக மாறி நாளை(மே.,12) மிக தீவிர புயலாகவும் இது வலுபெறக்கூடும் என்று தகவல்கள் தெரிவிக்கிறது. தொடர்ந்து வடக்கு-வடகிழக்கு திசையில் இந்த புயலானது நகர்ந்து மே 14ம் தேதி முற்பகலில் தென்கிழக்கு வங்கதேசம்-மியான்மர் இடையே கரையை கடக்கும் என்று எதிர்பார்க்கப்படுகிறது. மேலும் இந்த புயலானது ஈரப்பதத்தினை ஈர்த்தப்படி வடக்கு நோக்கி செல்கிறது என்பதால் வரும் நாட்களில் தமிழகத்தில் வெயிலின் தாக்கம் அதிகரிக்கும் என்று கூறப்பட்டுள்ளது குறிப்பிடத்தக்கது.
