பலாத்காரம் செய்து தலித் பெண்ணின் மீது தீ வைத்த கொடூரம்: ராஜஸ்தானில் பரபரப்பு
செய்தி முன்னோட்டம்
ராஜஸ்தானின் பார்மர் மாவட்டத்தில் தலித் பெண் ஒருவர் பாலியல் பலாத்காரம் செய்யப்பட்டு தீ வைத்து எரிக்கப்பட்டதாக போலீஸார் வெள்ளிக்கிழமை தெரிவித்தனர்.
40 சதவீத தீக்காயங்களுடன் பாதிக்கப்பட்ட பெண் ஜோத்பூரில் உள்ள அரசு மருத்துவமனையில் சிகிச்சை பெற்று வருகிறார்.
இந்த சம்பவம் வியாழக்கிழமை நடந்ததாக பச்பத்ரா காவல் நிலைய SHO ராஜேந்திர சிங் கூறியுள்ளார்.
குற்றம் சாட்டப்பட்ட ஷாகூர் என்பவர், அந்த பெண்ணை பலாத்காரம் செய்து, அவர் மீது ஏதோ ரசாயனங்களை ஊற்றி தீ வைத்ததாக கூறப்படுகிறது.
பாதிக்கப்பட்ட பெண்ணின் வீட்டிற்கு அருகில் வசித்து வந்த ஷாகூர் கைது செய்யப்பட்டுள்ளார்.
இந்தியா
இது ராஜஸ்தானில் சட்டம்-ஒழுங்கு நிலை மோசமாக இருப்பதற்கு சான்றாகும்: மத்திய இணை அமைச்சர்
அவர் மீது, இந்திய தண்டனைச் சட்டம் மற்றும் பட்டியல் சாதி (வன்கொடுமைகள் தடுப்பு) சட்டத்தின் தொடர்புடைய பிரிவுகளின் கீழ் வழக்கு பதிவு செய்யப்பட்டுள்ளது.
பார்மர் தொகுதியின் எம்பியான மத்திய விவசாயம் மற்றும் விவசாயிகள் நலத்துறை இணை அமைச்சர் கைலாஷ் சவுத்ரி, இந்த சம்பவத்தை கண்டித்து காங்கிரஸ் அரசை கடுமையாக சாடினார்.
இது தொடர்பாக அவர் வெளியிட்டுள்ள ட்வீட்களில், "இந்த சம்பவம் ராஜஸ்தானில் ஒரு கரும்புள்ளியாகவும், சட்டம்-ஒழுங்கு நிலை மோசமாக இருப்பதற்கு சான்றாகவும் இருக்கிறது" என்று கூறியுள்ளார்.
"பாதிக்கப்பட்ட பெண் விரைவில் குணமடைய வேண்டுகிறேன். இந்த சம்பவம் குறித்து உடனடி நடவடிக்கை எடுத்து, குற்றவாளிகள் மீது கடும் நடவடிக்கை எடுக்க வட்டார நிர்வாகத்திற்கு உத்தரவிடப்பட்டது." என்றும் அவர் கூறி இருக்கிறார்.