எல்லைக்கட்டுப்பாடு பகுதியில் அதிகரிக்கும் உள்கட்டமைப்புகள்: விமானப்படை தளபதி எச்சரிக்கை
செய்தி முன்னோட்டம்
சீனா, இந்தியா அருகிலுள்ள எல்லை கட்டுப்பாட்டுக் கோடு (எல்ஓசி) பகுதியில் உள்கட்டமைப்பை தீவிரமாக உருவாக்கி வருகின்றது என இந்திய விமானப் படை தளபதி அமர் பிரீத் சிங் கூறியுள்ளார்.
இந்திய விமானப் படை தினத்தை (ஏர் ஃபோர்ஸ் டே) முன்னிட்டு நேற்று ஒரு பத்திரிகையாளர் சந்திப்பு நடைபெற்றது.
அப்போது, தளபதி ஏ.பி. சிங் கூறியதாவது: "எல்ஓசி பகுதியில் சீனா தனது உள்கட்டமைப்பை வேகமாக அதிகரித்து வருகின்றது. இதற்கேற்ப, இந்தியா கூட தனது உள்கட்டமைப்பை முன்னேற்றிக்கொண்டிருக்கிறது" என எச்சரித்துள்ளார்.
நோக்கம்
2047க்குள் உள்நாட்டில் தயாரிக்கப்பட்ட ஆயுதங்களை மட்டுமே பயன்படுத்துவது நோக்கம்
தொடர்ந்து பேசிய தளபதி ஏ.பி. சிங், "உலகில் போரில் நிலவும் பதற்றத்தை கருத்தில் கொண்டு, எதிர்கால பாதுகாப்பு சவால்களை சமாளிக்க, இந்திய விமானப் படையில் 2047-ம் ஆண்டுக்குள் உள்நாட்டில் தயாரிக்கப்பட்ட ஆயுதங்களை மட்டுமே பயன்படுத்துவதற்கு நோக்கமாக செயல்பட்டு வருகிறோம்." என்றார்.
மேலும், ரஷ்யா, எஸ்-400 ஏவுகணை அமைப்பின் மூன்று யூனிட்டுகளை இதுவரை வழங்கியுள்ளது, மற்ற இரண்டு யூனிட்டுகளை அடுத்த ஆண்டில் வழங்க வாக்குறுதி அளித்துள்ளது என்றும் அவர் தெரிவித்தார்.