சென்னை கலாஷேத்ரா கல்லூரியில் 5ஆம் தேதி முதல் தேர்வுகள்: மாணவிகள் எதிர்ப்பு
செய்தி முன்னோட்டம்
சென்னை கலாஷேத்ரா கல்லூரியில் 5ஆம் தேதி முதல் தேர்வுகள் நடைபெறும் என்று அறிவிக்கப்பட்டுள்ளது.
4 ஆசிரியர்கள் மீது மாணவிகள் பாலியல் புகார் அளித்ததை அடுத்து, கல்லூரி 6ஆம் தேதி வரை மூடப்படும் என்று முன்பு அறிவிக்கப்பட்டிருந்த நிலையில், தற்போது 6ஆம் தேதிக்கு முன்பே கல்லூரி திறப்படும் என்று தெரிவிக்கப்பட்டுள்ளது.
மாணவிகள், ஆசிரியர்கள் மீது பாலியல் புகார் அளித்து, கடந்த மார்ச் 30 மற்றும் 31ஆம் தேதிகளில் தொடர் போராட்டத்தில் ஈடுபட்டனர்.
இதனையடுத்து, கலாஷேத்ரா கல்லூரிக்கு ஏப்ரல் 6ஆம் தேதி வரை விடுமுறை என்று கல்லூரி நிர்வாகம் அறிவித்தது.
இந்த பாலியல் புகாரின் பேரில் ஒரு ஆசிரியர் காவல்துறையினரால் கைது செய்யப்பட்டார்.
மீதமுள்ள 3 ஆசிரியர்களும் கல்லூரிக்குள் நுழைய கூடாது என்ற உத்தரவு போடப்பட்டது.
இந்தியா
கல்லூரி திறக்கப்படுவதற்கு மாணவிகள் எதிர்ப்பு
இதனையடுத்து, கல்லூரியில் வரும் 5ஆம் தேதி முதல் தேர்வு நடைபெறும் என்று கல்லூரி நிர்வாகம் தெரிவித்துள்ளது.
இதற்கு மாணவிகள் எதிர்ப்பு தெரிவித்து வருகின்றனர்.
புகாரில் குறிப்பிடப்பட்டுள்ள அனைவரின் மீதும் நடவடிக்கை எடுக்கும் வரை, மீண்டும் கல்லூரிக்கு வர மாட்டோம் என்று மாணவியர் அறிவித்துள்ளனர்.
மகளிர் ஆணையம் இது குறித்து கல்லூரி நிர்வாகத்திடமும் மாணவிகளிடமும் விசாரணை நடத்தி வருகிறது.
இதற்கிடையில், மகளிர் ஆணைய தலைவர் இன்று மாலை தலைமைச் செயலாளரை சந்திக்க இருக்கிறார் என்ற தகவல் வெளியாகி இருக்கிறது.
மகளிர் ஆணைய தலைவர் குமாரி தலைமைச் செயலாளரை நேரில் சந்தித்து அறிக்கையை சமர்ப்பிப்பார் என்று எதிர்பார்க்கப்படுகிறது.