பாலியல் புகாரில் தேடப்பட்டு வந்த கலாக்ஷேத்ரா கல்லூரி உதவி பேராசிரியர் ஹரி பத்மன் கைது
சென்னை திருவான்மியூர் பகுதியில் உள்ள கலாஷேத்ராவில், பாலியல் தொல்லை கொடுத்ததாக கூறப்படும் பேராசிரியர்களில் ஒருவரான, ஹரி பத்மன், தலைமறைவாக இருந்தார். அவரை இன்று, தனிப்படை போலீசார் கைது செய்ததாக கூறப்படுகிறது. கலாக்ஷேத்ராவின் முன்னாள் மாணவி ஒருவர், அடையாறில் உள்ள மகளிர் காவல் நிலையத்தில் அளித்த புகாரின் பேரில், வழக்கு பதிவு செய்யப்பட்டு தேடப்பட்டு வந்தார் ஹரி. இந்நிலையில், வடசென்னையில், நண்பர் வீட்டில் பதுங்கி இருந்த ஹரி பத்மனை, சென்னை காவல்துறை இன்று கைது செய்துள்ளது. ஹரிபத்மனுடன் சேர்த்து, சஞ்சித்லால், சாய் கிருஷ்ணன், ஸ்ரீ நாத் ஆகியோர் மீதும் பாலியல் குற்றச்சாட்டு வைக்கப்பட்டுள்ளது. இவர்கள் அனைவரும் கைது செய்வதோடு மட்டுமின்றி, பணி நீக்கம் செய்ய வேண்டும் என்று மாணவிகள் உள்ளிருப்பு போராட்டம் நடத்தி வந்தனர்.
