மல்யுத்த அமைப்பின் தலைவர் மீது இன்று வழக்கு பதிவு செய்யப்படும்: டெல்லி போலீஸ்
செய்தி முன்னோட்டம்
இந்தியாவின் மல்யுத்த சம்மேளனத்தின் தலைவரான பிரிஜ் பூஷன் சரண் சிங்கிற்கு எதிராக இன்று(ஏப் 28) வழக்குத் தொடரப்படும் என டெல்லி காவல்துறை உச்ச நீதிமன்றத்தில் தெரிவித்துள்ளது.
மல்யுத்த வீரர்களை பாலியல் வன்கொடுமை செய்ததாக பிரிஜ் பூஷன் மீது குற்றம்சாட்டப்பட்டுள்ளது.
பிரிஜ் பூஷனுக்கு எதிராக மல்யுத்த வீரர்கள் பலர் டெல்லி ஜந்தர் மந்தரில் போராட்டம் நடத்தி வருகின்றனர்.
மல்யுத்த வீரர்கள் இது குறித்து டெல்லி காவல்துறையில் புகார் அளித்த போதிலும், டெல்லி காவல்துறை FIR பதிவு செய்யவில்லை என்று கூறப்படுகிறது.
அதனால், இந்திய மல்யுத்த சம்மேளனத்தின் தலைவரும், பாஜக எம்பியுமான பிரிஜ் பூஷன் சரண் சிங் மீது வழக்குத் தொடுக்கக் கோரி மல்யுத்த வீரர்கள் உச்ச நீதிமன்றத்தை அணுகினர்.
details
வழக்கு பதிவு செய்யும் வரை போராட்டத்தை நிறுத்த மாட்டோம்: மல்யுத்த வீரர்கள்
பிரிஜ் பூஷன் மீது ஏன் வழக்கு பதிவு செய்யப்படவில்லை என்று கேள்வி எழுப்பிய உச்சநீதிமன்றம், டெல்லி காவல்துறைக்கு ஒரு நோட்டீஸ் அனுப்பி இருந்தது.
மேலும், "சர்வதேச விளையாட்டுப் போட்டிகளில் இந்தியா சார்பில் பங்கேற்ற மல்யுத்த வீரர்கள், தங்களுக்கு நேர்ந்த பாலியல் துன்புறுத்தல்கள் குறித்து மனுவில் கடுமையான குற்றச்சாட்டுகளை முன் வைத்துள்ளனர். இந்த விஷயத்தை நீதிமன்றம் பரிசீலிக்க வேண்டும்," என்று தலைமை நீதிபதி டி.ஒய்.சந்திரசூட் கூறி இருந்தார்.
டெல்லி ஜந்தர் மந்தரில் போராட்டம் நடத்தி வரும் மல்யுத்த வீரர்கள், இந்த விவகாரத்தில் வழக்கு பதிவு செய்யும் வரை போராட்டத்தை நிறுத்த மாட்டோம் என்று கூறியிருந்தனர்.
இந்நிலையில், இன்று பிரிஜ்பூஷன் சரண் சிங் வழக்கு பதிவு செய்யப்படும் என்று டெல்லி காவல்துறை கூறியுள்ளது.