12 வயது சிறுமியை பலாத்காரம் செய்த இருவரின் வீடுகளை இடித்து தரைமட்டமாக்கிய அதிகாரிகள்
செய்தி முன்னோட்டம்
மத்திய பிரதேசத்தில் 12 வயது சிறுமியை பாலியல் பலாத்காரம் செய்து கொடூமைப்படுத்தியதாக குற்றம் சாட்டப்பட்ட இருவரின் வீடுகளை அதிகாரிகள் புல்டோசர்களை வைத்து இடித்து தரைமட்டமாக்கினர்.
மத்திய பிரதேசத்தின் சத்னா மாவட்டத்தில் உள்ள ஒரு புகழ்பெற்ற கோயிலை நிர்வகிக்கும் அறக்கட்டளையில் பணி புரிந்து வந்த ரவீந்திர சவுத்ரி மற்றும் அதுல் பதாலியா ஆகிய இருவர் மீது ஒரு 12 வயது சிறுமியை பாலியல் பலாத்காரம் செய்த்ததாக குற்றம்சாட்டப்பட்டுள்ளது.
பலாத்கார சம்பவம் வெளிச்சத்திற்கு வந்தவுடன், அவர்கள் இருவரும் பணியிலிருந்து நீக்கப்பட்டனர்.
இந்நிலையில், தற்போது, மத்திய பிரதேசத்தின் விதிஷா மாவட்டத்தில் உள்ள ரவீந்திராவின் வீடும், மாலியன் தோலாவில் உள்ள நியூ பஸ்தியில் இருக்கும் அதுலின் வீடும் இடித்து தரைமட்டமாக்கப்பட்டது.
இ;ஜோ
குற்றம்சாட்டப்பட்டவர்களுக்கு 14 நாட்கள் நீதிமன்ற காவல்
மேலும், இடிப்பு பணி நடைபெற்று வருவதால், அப்பகுதியில் பலத்த போலீஸ் பாதுகாப்பும் போடப்பட்டுள்ளது.
குற்றம்சாட்டப்பட்ட இருவரும் ஒரு 12 வயது சிறுமியை பாலியல் பலாத்காரம் செய்து, அந்த சிறுமியின் அந்தரங்க உறுப்பில் கடினமான பொருளைச் செருகி சித்திரவதை செய்ததாக கூறப்படுகிறது.
மேலும், அந்த சிறுமியின் உடல் முழுவதும் பல்லால் கடித்த தடங்கங்களும் பல இருப்பது பதிவு செய்யப்பட்டுள்ளது.
அதிக இரத்தப்போக்குடன் அந்த பாதிக்கப்பட்ட சிறுமி சிகிச்சைக்காக ரேவா பிரதேச தலைமையகத்தில் உள்ள மருத்துவமனையில் அனுமதிக்கப்பட்டார்.
கடந்த வியாழக்கிழமை இந்த சம்பவம் நடைபெற்ற நிலையில், குற்றம் சாட்டப்பட்ட இருவரும் நேற்று உள்ளூர் நீதிமன்றத்தில் ஆஜர்படுத்தப்பட்டனர்.
14 நாட்கள் அவர்களை நீதிமன்ற காவலில் வைக்க உத்தரவு பிறப்பிக்கப்பட்டுள்ளது.