ஷீரடி சாய்பாபா கோயிலில் வசூலான நாணயங்களுக்கு இடமில்லாமல் வங்கிகள் திணறல்
மகாராஷ்டிரா மாநிலத்தில் ஷீரடி சாய்பாபா கோயிலானது உலகப்பிரசித்தி பெற்ற கோயில்களில் ஒன்று. இங்குவரும் பக்தர்கள் பல்லாயிரக்கணக்கானோர் சாமி தரிசனத்தினை மேற்கொண்டு தங்கள் காணிக்கைகளையும், நன்கொடைகளையும் வழங்கி செல்வர். இந்நிலையில் இக்கோயிலின் நிர்வாகமான ஸ்ரீ சாய்பாபா சன்ஸ்தான் அறக்கட்டளையானது புது இன்னலினை தற்போது எதிர்கொள்வதாக கூறப்படுகிறது. அதன்படி, இக்கோயிலில் வசூலான காணிக்கைகளின் நாணயங்களை வாங்கிவைக்க வங்கிகளில் போதுமான இடமில்லை என்று கூறப்படுவதாக தெரிகிறது. இந்த அறக்கட்டளையானது, 13 வங்கிக் கணக்குகளை வைத்துள்ளது. அதில் 12வங்கிக்கணக்குகள் கோயிலுள்ள நகரத்திலேயே இருக்கும்நிலையில், ஒன்று மட்டும் நாசிக்கில் உள்ளது. இவ்வங்கிகள் அனைத்திலும் இந்த கோயிலில் வசூலான நன்கொடை ரூ.11கோடி நாணயங்கள் வைக்கப்பட்டுள்ளது. ஆனால் தற்போது இவற்றுள் 4 வங்கிகள் இந்த அறக்கட்டளை மூலம் வரும் நாணையங்களை வாங்க மறுத்துள்ளனர்.
ரிசர்வ் வங்கிக்கு நேரடியாக கடிதம் எழுத முடிவு
இந்நிலையில் இது குறித்து தலைமை நிர்வாகி ராகுல் ஜாதவ், இந்த 4 வங்கி அதிகாரிகளும் தங்கள் வங்கியில் தினந்தோறும் வரும் நாணயங்களை வைக்கவே இடப்பற்றாக்குறையாக உள்ளது என்று கூறுகிறார்கள். இது எங்கள் அறக்கட்டளைக்கு மிகுந்த பிரச்சனையாக உள்ளது என்று கூறியுள்ளார். மேலும் அவர், இதுகுறித்து ரிசர்வ் வங்கிக்கு நேரடியாக கடிதம் ஒன்றினை எழுதவுள்ளோம். அதேபோல் அகமதாபாத்தில் உள்ள மற்ற வங்கிகளிலும் புது கணக்கினை துவக்கி அதில் இந்த வசூலாகும் காணிக்கைகளை வைக்க முடிவுசெய்துள்ளோம். ஒவ்வொரு மாதமும் இங்கு வசூலாகும் காணிக்கைகளின் எண்ணிக்கை ரூ.28லட்சத்தினை நெருங்கும். இதுவரை நாங்கள் கணக்கு வைத்திருந்த வங்கிகளில் இருந்து மாதாமாதம் சுழற்சிமுறையில் வங்கியிலிருந்து ஆட்கள் வந்து நாணையங்களை வாங்கிச்செல்வர் என்று கூறியுள்ளார்.
இந்த காலவரிசையைப் பகிரவும்