டெல்லி முதல்வர் அரவிந்த் கெஜ்ரிவாலுக்கு அமலாக்கத் துறை 6வது முறையாக சம்மன்
செய்தி முன்னோட்டம்
மதுபான கொள்கை விவகாரத்தில், டெல்லி முதல்வர் அரவிந்த் கெஜ்ரிவாலுக்கு அமலாக்கத் துறை 6வது முறையாக சம்மன் அனுப்பியுள்ளது.
டெல்லி மதுபான கொள்கையை இயற்றி நடைமுறைப்படுத்தும் போது பணமோசடி நடந்தததாக ஆம் ஆத்மி தலைவர்களிடம் பல நாட்களாக விசாரணை நடந்து வருகிறது.
மணீஷ் சிசோடியா போன்ற சில முக்கிய தலைவர்கள் இந்த விவாகரத்தில் கைது செய்யப்பட்டு சிறையில் அடைக்கப்பட்டுள்ளனர்.
இந்த பணமோசடி வழக்கு விசாரணைக்காக டெல்லி முதல்வர் அரவிந்த் கெஜ்ரிவாலுக்கு அமலாக்கத் துறை ஏற்கனவே 5 முறை சம்மன் அனுப்பியும் அவர் ஆஜராகவில்லை.
கடைசியாக பிப்ரவரி 2ஆம் தேதி அவர் ஐந்தாவது சம்மனை நிராகரித்தார்.
இது தொடர்பாக அமலாக்க இயக்குனரகம் டெல்லி நீதிமன்றத்தில் புகார் அளித்துள்ளது.
டெல்லி
வரும் திங்கள்கிழமை நேரில் ஆஜராக வேண்டுகோள்
அந்த புகாரை பெற்ற டெல்லி நீதிமன்றம் வரும் 17ஆம் தேதி அவரை நேரில் ஆஜராக உத்தரவிட்டுள்ளது.
நவம்பர் 2, டிசம்பர் 21, ஜனவரி 19 மற்றும் ஜனவரி 31 ஆகிய தேதிகளுக்கான சம்மன்களையும் ஆம் ஆத்மி தலைவர் கெஜ்ரிவால் புறக்கணித்திருக்கிறார் என்பது குறிப்பிடத்தக்கது.
இந்நிலையில், டெல்லி முதல்வர் அரவிந்த் கெஜ்ரிவாலுக்கு அமலாக்கத் துறை இன்று 6வது முறையாக சம்மன் அனுப்பியுள்ளது.
வரும் திங்கள்கிழமை நேரில் ஆஜராகுமாறு அமலாக்க இயக்குனரகம் கெஜ்ரிவாலிடம் கேட்டு கொண்டுள்ளது.
இதற்கு முன்பு அமலாக்க இயக்குனரகத்தின் சம்மனை பெற்ற கெஜ்ரிவால், விசாரணைக்கு ஒத்துழைக்கத் தான் தயாராக இருப்பதாகவும், ஆனால், சம்மன் நோட்டீஸ் சட்டவிரோதமாக அனுப்பப்பட்டது எனவும் தெரிவித்திருந்தார்.