2026ல் தமிழகத்தில் கூட்டணி ஆட்சி: தமிழகத்தில் பாஜக தோல்விக்கு பிறகு அண்ணாமலை
செய்தி முன்னோட்டம்
நடந்து முடிந்த நாடாளுமன்ற தேர்தலில் தமிழகத்தில் பாஜக ஒரு இடத்தில கூட வெற்றி அடையவில்லை. எனினும் பல இடங்களில் இரண்டாம் இடத்தினை பிடித்தது.
அதேபோல, கோவையில் போட்டியிட்ட தமிழக பாஜக தலைவர் அண்ணாமலையும், தோல்வியை தழுவினார்.
இந்த நிலையில் இன்று செய்தியாளர்களிடம் பேசிய அண்ணாமலை,"தமிழ்நாட்டில் பாஜக வளர்ந்திருக்கிறது, அதில் எந்த மாற்றமும் இல்லை. தமிழ்நாட்டிலிருந்து NDA கூட்டணி சார்பில் நாடாளுமன்ற உறுப்பினர்களை அனுப்பி வைக்க வேண்டும் என்ற இலக்கு இருந்தது. அதை அடைய முடியவில்லை என்பது வருத்தம்" என்று கூறியுள்ளார்.
"2026ல் தமிழகத்தில் ஆட்சியை பிடிப்பது தான் எங்களின் இலக்கு. 2026-ல் தமிழக அரசியலில் முதல் முறையாக கூட்டணி ஆட்சி அமையும். நிச்சயம் தமிழகத்தில் கூட்டணி ஆட்சி நடக்கும்" என்று உறுதிபட தெரிவித்தார்.
ட்விட்டர் அஞ்சல்
அண்ணாமலை பேட்டி
“2026 சட்டமன்றத் தேர்தலில் ஆட்சியைப் பிடிப்போம் என்ற நம்பிக்கை இப்போதும் உள்ளது” - அண்ணாமலை பேட்டி!
— News7 Tamil (@news7tamil) June 5, 2024
விவரம் : https://t.co/H9oFrBDE7A#Annamalai | #BJP | #NDA | #NDAAlliance | #Elections2024 | #LokSabhaElections2024 | #ElectionsWithNews7tamil | #News7Tamil | #News7TamilUpdates
சீமானை பாராட்டிய அண்ணாமலை
நேர்மையாக தேர்தலில் போட்டியிட்டார் என சீமானை பாராட்டிய அண்ணாமலை
பாஜக தனித்து பெற்ற வாக்குகள், நாம் தமிழரை விட அதிகமாக இருந்தால், ஆட்சியை கலைத்து விடுவேன் என சீமான் கூறியதை பற்றி அண்ணாமலையிடம் கேட்டபோது, "நாம் தமிழர் கட்சியை இந்த தருணத்தில் பாராட்டுகிறேன். எங்களுக்கும் அவர்களுக்கும் அரசியல் சித்தாந்த ரீதியாக கடுமையான வாக்குவாதங்கள் நடைபெற்றாலும், நேர்மையாக இந்த காலத்தில் அவர்கள் நின்றுள்ளார்கள்" என்றார்.
"பணம் கொடுக்காமல் தேர்தலை சந்தித்திருக்கிறார்கள். அவர்களை நான் பாராட்டுகிறேன். ஒரு அடிப்படை கட்டமைப்பு இல்லாமல், தமிழகத்தில் உள்ள அனைத்து தொகுதிகளிலும் வேட்பாளர்களை நிறுத்தியுள்ளார்கள்" என்றும் கூறினார்.