இந்திய விண்வெளி மையத்தில் 2 பாதுகாப்பு அதிகாரிகள் தற்கொலை
செய்தி முன்னோட்டம்
ஆந்திரப் பிரதேசத்தில் உள்ள ஸ்ரீஹரிகோட்டா விண்வெளி ஏவுதளத்தில் 24 மணி நேரத்திற்குள் இரண்டு பாதுகாப்பு வீரர்கள் தற்கொலை செய்து கொண்ட சம்பவம் பரபரப்பை ஏற்படுத்தி இருக்கிறது.
தற்கொலை செய்து கொண்டு இறந்தவர்களில் இருவரும் CISF(மத்திய தொழில் பாதுகாப்புப் படை) என்ற பிரிவை சேர்ந்தவர்கள்.
வீரர்களில் ஒருவரான விகாஸ் சிங் (33), பணியில் இருந்தபோதே தனது சர்வீஸ் ரிவால்வரால் சுட்டு தற்கொலை செய்து கொண்டார்.
இன்னொரு வீரர் சிந்தாமணி (29) மையத்தின் வளாகத்தில் உள்ள மரத்தில் தூக்கிட்டு தற்கொலை செய்து கொண்டார்.
ஸ்ரீஹரிகோட்டா
ஏன் தற்கொலை செய்து கொண்டனர்?
இரு வீரர்களுக்கும் தனிப்பட்ட பிரச்சினைகள் இருந்ததாக கூறப்படுகிறது.
இவர்களின் மரணத்திற்கு மூத்த அதிகாரிகளின் துன்புறுத்தல் குற்றச்சாட்டுகள் போன்ற காரணங்கள் எதுவும் இல்லை என்று காவல்துறை தெரிவித்துள்ளது.
மேலும், இருவரின் தற்கொலை குறித்தும் காவல்துறையினர் வழக்கு பதிவு செய்து விசாரித்து வருகின்றனர்.
ஒரே நாளில் இருவர் தற்கொலை செய்து கொண்டதால் விண்வெளி மையத்தில் பரபரப்பான சூழல் நிலவி வருகிறது.