மேற்கு ஆசிய நெருக்கடி குறித்து டெல்லியில் அனைத்துக் கட்சிக் கூட்டம் கூடியது
செய்தி முன்னோட்டம்
மத்திய கிழக்கு பிராந்தியத்தில் நாளுக்கு நாள் தீவிரமடைந்து வரும் போர் சூழல் மற்றும் அதனால் இந்தியாவுக்கு ஏற்படக்கூடிய பாதிப்புகள் குறித்து விவாதிக்க, மத்திய அரசு இன்று புது தில்லியில் அனைத்துக் கட்சிக் கூட்டத்தைக் கூட்டியது. பாதுகாப்புத் துறை அமைச்சர் ராஜ்நாத் சிங் தலைமையில் நடைபெறும் இக்கூட்டத்தில், மத்திய அமைச்சர்கள் அமித் ஷா, நிர்மலா சீதாராமன், ஜே.பி. நட்டா, பியூஷ் கோயல் உள்ளிட்ட முக்கியப் பிரமுகர்கள் பங்கேற்றுள்ளனர். காங்கிரஸ், திமுக, சமாஜ்வாதி கட்சி, ஆம் ஆத்மி உள்ளிட்ட எதிர்க்கட்சிகளின் தலைவர்களும் இதில் கலந்துகொண்டு தங்களது கருத்துகளை பதிவு செய்தனர் என நியூஸ் 18 செய்தி கூறியது. திரிணாமுல் காங்கிரஸ் (TMC) சார்பில் பிரதிநிதிகள் யாரும் டெல்லியில் இல்லாததால் அக்கட்சி இக்கூட்டத்தில் பங்கேற்கவில்லை.
நடவடிக்கை
பிரதமரின் கவலை மற்றும் நடவடிக்கைகள்
நாடாளுமன்றத்தின் இரு அவைகளிலும் பிரதமர் மோடி ஆற்றிய உரையைத் தொடர்ந்து இக்கூட்டம் நடைபெற்றது. பிரதமர் தனது உரையில் தெரிவித்த முக்கியத் தகவல்கள்: இந்தியர்கள் மீட்பு: போர் பாதித்த பகுதிகளில் இருந்து இதுவரை 700-க்கும் மேற்பட்ட இந்தியர்கள் பாதுகாப்பாக தாயகம் அழைத்து வரப்பட்டுள்ளனர். எஞ்சியுள்ளவர்களை மீட்கும் பணிகள் போர்க்கால அடிப்படையில் தொடரும் என அரசு உறுதியளித்துள்ளது. பொருளாதாரச் சவால்கள்: கச்சா எண்ணெய் விலை உயர்வு, உர விநியோகத் தடை மற்றும் வர்த்தகப் பாதைகளில் ஏற்பட்டுள்ள பாதிப்புகள் குறித்து அரசு கவலை தெரிவித்துள்ளது. ஹார்முஸ் ஜலசந்தி: உலக எரிசக்தி வர்த்தகத்தின் முக்கியப் பாதையான ஹார்முஸ் ஜலசந்தியில் நிலவும் பதற்றம், இந்தியாவின் எரிபொருள் பாதுகாப்பிற்கு நேரடி அச்சுறுத்தலாக இருப்பதாகக் குறிப்பிடப்பட்டது.