நாடாளுமன்ற சிறப்பு கூட்டத்தொடரின் நிகழ்ச்சி நிரல் வெளியானது
செய்தி முன்னோட்டம்
வருகின்ற செப்டம்பர் 18 -ஆம் தேதி, நாடாளுமன்ற சிறப்பு கூட்டத்தொடர் தொடங்குகிறது. எதற்காக இந்த சிறப்பு கூட்டத்தொடர் என்பது குறித்து எதிர்க்கட்சிகளுக்கு தெரிவிக்காமல் இருந்த மத்திய அரசு, நேற்று, 5 நாட்கள் நடைபெறும் இந்த தொடரின், முதல் நாளின் நிகழ்ச்சி நிரலை வெளியிட்டுள்ளது. அதன்படி, கடந்த 75 ஆண்டு கால நாடாளுமன்ற பயணம் குறித்து சிறப்பு கூட்டத்தொடரின் முதல் நாளில் விவாதிக்கப்படவுள்ளதாக தெரிவிக்கப்பட்டுள்ளது. குறிப்பாக, நாடாளுமன்றத்தின் சாதனைகள், அனுபவங்கள், நினைவலைகள் என பல்வேறு அம்சங்கள் விவாதத்துக்கு எடுத்துக்கொள்ளப்படும் என அந்த அறிக்கையில் கூறப்பட்டு இருந்தது.
card 2
மசோதாக்கள் தாக்கல்
இதைத்தவிர மழைக்கால கூட்டத்தொடரில் தாக்கல் செய்யப்பட்ட பல்வேறு மசோதாக்களும் சிறப்பு கூட்டத்தொடரில் விவாதத்துக்கு எடுத்துக்கொள்ளப்படுகின்றன. முக்கியமாக, தலைமை தேர்தல் கமிஷனர் மற்றும் மாநில தேர்தல் கமிஷனர்களின் நியமனம் தொடர்பாக ஏற்கனவே தாக்கல் செய்யப்பட்டு நிலுவையில் உள்ள மசோதாவும் விவாதத்துக்கு எடுத்துக்கொள்ளப்படுகிறது. அதேபோல, வக்கீல்கள் (திருத்தம்) மசோதா 2023, பத்திரிகைகள் பதிவு மசோதா 2023 , தபால் அலுவலக மசோதா 2023 போன்றவை தாக்கல் செய்யப்படவுள்ளது என அந்த அறிக்கையில் கூறப்பட்டுள்ளது