சண்டிகர் மேயராக அறிவிக்கப்பட்டார் ஆம் ஆத்மி வேட்பாளர்: 'சட்டவிரோத' வாக்கெடுப்பை ரத்து செய்தது உச்சநீதிமன்றம்
செய்தி முன்னோட்டம்
சண்டிகர் மேயர் தேர்தல் முடிவுகளை உச்ச நீதிமன்றம் இன்று ரத்து செய்ததை அடுத்து, ஆம் ஆத்மி கட்சிக்கு (AAP) ஒரு பெரிய வெற்றி கிடைத்துள்ளது.
சமீபத்தில் நடந்த சண்டிகர் மேயர் தேர்தலில் பாஜக வேட்பாளர் மனோஜ்குமார் சோங்கர் வெற்றி பெற்றார். எதிர்க்கட்சி கூட்டணி வேட்பாளரின் 8 வாக்குகள் செல்லாது என அறிவிக்கப்பட்டதை அடுத்து, ஆம் ஆத்மி-காங்கிரஸ் கூட்டணி வேட்பாளர் குல்தீப் சிங் தோற்கடிக்கப்பட்டார்.
8 வாக்குகள் செல்லாது என அறிவிக்கப்பட்டதற்கு எதிராக உச்ச நீதிமன்றத்தை ஆம் ஆத்மி அணுகியது.
இன்று இந்த பிரச்சனையை விசாரித்த உச்ச நீதிமன்றம், எட்டு "செல்லாத" வாக்குகளை ஆய்வு செய்து, வாக்கு எண்ணிக்கையில் குளறுபடி நடந்திருப்பதாக தெரிவித்தது.
சண்டிகர்
ஆம் ஆத்மி மேயர் வேட்பாளருக்கு எதிரான திட்டமிட்ட சதி
இதனையடுத்து, ஆம் ஆத்மி மேயர் வேட்பாளர் குல்தீப் குமார் வெற்றி பெற்றதாக அறிவிக்கப்பட்டது.
இதை விசாரித்த தலைமை நீதிபதி டி.ஒய்.சந்திரசூட் தலைமையிலான மூன்று நீதிபதிகள் கொண்ட அமர்வு, தேர்தல் அதிகாரி அனில் மசிஹ் செல்லாது என்று அறிவித்த 8 வாக்குகள் செல்லுபடியாகும் என்றும், அவை ஆம் ஆத்மி கட்சியின் மேயர் வேட்பாளர் குல்தீப் குமாருக்கு ஆதரவாக போடப்பட்டது என்றும் குறிப்பிட்டது.
ஆம் ஆத்மி மேயர் வேட்பாளருக்கு ஆதரவாக பதிவான 8 வாக்குகளை சிதைக்க அனில் மசிஹ் திட்டமிட்டு சதி செய்துள்ளதாகவும் உச்ச நீதிமன்றம் கூறியுள்ளது.