சென்னை தலைமை செயலகத்தில், முதலமைச்சர் ஸ்டாலின் தேசிய கொடியை ஏற்றினார்
செய்தி முன்னோட்டம்
இந்தியா தனது 77வது சுதந்திர தினத்தை இன்று, ஆகஸ்ட் 15 கொண்டாடுகிறது.
இன்று காலை, டெல்லி செங்கோட்டையில் காலை 7:30 மணி அளவில் பிரதமர் மோடி தேசிய கொடியை ஏற்றினார். தொடர்ந்து நடைபெற்ற அணிவகுப்பையும் அவர் பார்வையிட்டார்.
இதனை தொடர்ந்து, சென்னையில், தலைமை செயலகத்தில், காலை 9 மணிக்கு முதலமைச்சர் ஸ்டாலின் தேசிய கொடியேற்றினார்.
முன்னதாக, செயின்ட் ஜார்ஜ் கோட்டை கொத்தளத்திற்கு 8:30 மணி அளவில் வருகை தந்த முதலமைச்சர் மு.க.ஸ்டாலினை, தலைமை செயலாளர் சிவ்தாஸ் மீனா வரவேற்றார்.
அதன்பின்னர், முப்படை அதிகாரிகளை தலைமை செயலாளர் அறிமுகம் செய்து வைத்தார்.
தொடர்ந்து, முப்படையினர் மற்றும் காவல் துறையினரின் அணிவகுப்பு மரியாதையை மு.க.ஸ்டாலின் ஏற்றுக்கொண்டார்.
ட்விட்டர் அஞ்சல்
3வது முறையாக தேசிய கொடி ஏற்றினார் முதலமைச்சர் ஸ்டாலின்
#JustIn | 77வது சுதந்திர தினத்தை ஒட்டி, கோட்டை கொத்தளத்தில் 3வது முறையாக தேசிய கொடியை ஏற்றி வைத்தார் முதலமைச்சர் மு.க.ஸ்டாலின்! #SunNews | #MKStalin | #IndependenceDay pic.twitter.com/mRamUWvtK2
— Sun News (@sunnewstamil) August 15, 2023